Çinin texnologiya nəhəngi olan Xiaomi yeni smartfonlarını təqdim etməyə hazırlaşır. Belə ki, şirkətin yeni cihazı Xiaomi 13 Lite modeli olacaq. Ötən gün bu smartfon 2210129SG model nömrəsi ilə IMEI verilənlər bazasında da görünüb. Qeyd edək ki, Xiaomi 13 lite çində satışa çıxarılmış Civi 2 modelinin yenilənmiş versiyası kimi təqdim oluna bilər. Ötən həftə Xiaomi 12 Lite 5G NE modelinə aid olduğu iddia olunan model nömrəsi IMEI verilənlər bazasında ortaya çıxmışdı. Təəccüblüsü odur ki, bu model nömrəsi ötən gün məlum olan model nömrəsi ilə eynidir. Bu halda biz 2 fərziyyə irəli sürə bilərik. İlk olaraq deyə bilərik ki, şirkət bu 2 addan birini seçərək yeni smartfonun adını dəyişib. Digər fərziyyəyə görə isə bu 2 model nömrəsinin hər ikisi doğru ola bilər. Yəni, şirkət eyni cihazı müxtəlif bazarlarda iki fərqli ad altında satmağı planlaşdırır.
Xiaomi 13 Lite smartfonu hansı xüsusiyyətlərə sahib olacaq?
Bəzi insyaderlərin verdiyi məlumata görə həm Xiaomi 12 Lite 5G NE, həm də Xiaomi 13 Lite modelləri sentyabr ayında Çində satışa çıxarılmış Civi 2 modelinin yenilənmiş versiyaları olacaq. Məhz buna görə də, bu modellərin xüsusiyyətləri Civi 2 modeli ilə eyni olmalıdır. Smartfonlar öz gücünü Snapdragon 7 Gen 1 çipsetindən alır. Qeyd edək ki, performans cəhətdən Snapdragon 778G çipsetinin cüzi önündə performans göstərən Snapdragon 7 Gen 1 hələ də Snapdragon 870 çipsetinin gerisində qalır. Yeni Smartfonun 6.55 düymlük 120Hz tezlikli AMOLED ekran panelinə sahib olacağı gözlənilir .
Kamera cəhətdən isə smartfon 50MP əsas, 20MP ultra-geniş və 2MP makro sensorlarına malik ola bilər. Smartfon 4500 mAs həcmli 67 Vt sürətli şarj dəstəkləyən batareya ilə təchiz olunacaqlar. Smartfonun Civi 2 modelində olduğu kimi 8-128 GB və 12-256GB yaddaşa malik variantlar ilə təklif olunması gözlənilir. Qiymət barəsdə isə hələlik heç bir məlumat mövcud deyil.
