Son günlərdə Twitter tətbiqini aldıqdan sonra gündəmdən düşməyən Elon Musk tətbiqə yeniliklər gətirməyə davam edir. Belə ki, onun əlavə etmək istədiyi yeniliklərdən biri Twitter tətbiqinin əsas səhifəsini qeydiyyatdan keçməmiş istifadəçilər üçün dəyişdirməkdir. Bu barədə şirkətin bir neçə işçisi məlumat verib. Əvvəllər qeydiyyatdan keçməmiş istifadəçilər üçün yalnız qeydiyyat formu göstərilirdi. Lakin indi Musk yeni istifadəçilər üçün əsas səhifədə məşhur tvitlərin görünməsini istəyir, bununla da tətbiqin istifadəçilər üçün maraq doğuracağını düşünür. Yəni profil yaratmadan belə tətbiqin imkanları əlçatan olmalıdır.
Elon Musk Twitter tətbiqini aldıqdan bəri daha bir neçə yeniliklər və bildiyimiz kimi işçilərdə ixtisarlar edib. Belə ki, Musk şirkətin baş direktoru Paraq Aqraval və digər menecerləri qovub. Həmçinin ödənişli abunəlik və tvit funksiyaları ilə bağlı da bəzi detallar ortaya atılıb. Lakin platformanın fəaliyyətinə təsir edəcək ən vacib planlaşdırılan yeniliklərdən biri bu deyil. Belə ki, Elon Musk tərəfindən verilən açıqlamaya görə SpaceX-in peyk əsaslı internet xidməti olan Starlink-dən istifadə edərək Twitter tətbiqinin dünyanın hər yerində əl çatan olmasını təklif edib. Bu barədə müzakirələr hələ də davam edir.
Elon Musk Twitteri aldıqdan sonra işçiləri qovması ilə yanaşı, bir çox perspektivli insanı şirkətdə iş ilə təmin edib. Bunlara Maskın şəxsi vəkili olan və indi Twitter platformasının de-fakto baş məsləhətçisi kimi xidmət edən Aleks Spiro daxildir. Həmçinin onun qohumu Endryu Mask da tviterə transfer edilib ki, beyin interfeysi texnologiyaları startapı olan Neuralink-də potensial fəaliyyəti ilə diqqət çəkmişdir. Jehn Balajadia və tanınmış birçoxları Twitter şirkətində iş ilə təmin olunub. Adlarından da göründüyü kimi bu insanlar Elon Musk-ın yaxın qohumları, dostları və tanıdıqlarıdır. Görünən odur ki, Musk şirkətin köhnə rəhbərliyinə güvənmir. Musk gün keçdikcə tətbiqə yeniliklər əlavə etməyə davam edir. Qarşıdakı günlərdə baş verəcək ən əsas yenilik isə Starlink peykləri ilə tətbiqin bütün dünyada əl çatan olması ola bilər.
