Ötən aylarda Twitter şirkətini almaq istəyi ilə gündəmdə olan Elon Musk axır ki, istəyinə nail olub. Belə ki, onun şirkəti 44 milyard dollara alığı bildirilir. Həmçinin onun şirkətə əlində çanaq ilə daxil olmasının görüntüləri yayılıb.
Tesla və SpaceX-in qurucusu, eyni zamanda dünyanın ən zəngin adamı kimi tanınan Elon Musk-ın Twitter barədə ilk həmləsi ondan səhm almaq olmuşdu. Daha sonra o, şirkəti bütövlükdə almaq üçün 44 milyard dollar təklif etmişdi. O vaxtdan bəri isə 2 tərəf arasında fikir ayrılıqları yarandığı üçün şirkətin satılması yubanırdı. Sonralar isə Elon şirkəti almaqdan imtina etdiyini açıqlamışdı. Şirkət Elon-u məhkəməyə verdiyi zaman isə şirkəti almaq məcburiyyətində qalan Elon axır ki, 44 milyard dollara almaqla razılaşıb. Yeni şirkətininin əksər işçilərini ixtisar edərək onu böyük bir platformaya çevirəcəyini iddia edən Elon Musk əlində çanaq ilə şirkətə daxil olma görüntüsü ilə yenidən gündəmdədir. Bu görüntünün paylaşılması ilə Elon-un şirkəti alması öz təsdiqini tapmış hesab edilib.
Elon Musk, Twitter-i almaq üçün bir çox banklar ilə tərəfdaşlıq edib. Belə ki, Bloomberg də bu barədə məlumat verib. Məlumata əsasən, Cənubi Koreyanın Mirae Asset Financial Group şirkəti əldə etmək üçün Elona təxminən 300 milyard Koreya Vonu ayıracaq.
Morgan Stanley və Bank of America Corporation kimi banklar da lazımi pulun maliyyələşdirilməsində Elon Muska kömək edəcəklərini vəd ediblər. Bundan əlavə, dünyanın ikinci ən böyük proqram təminatı şirkəti olan Oracle-ın həmtəsisçiləri Larri Ellison və Səudiyyə şahzadəsi Əl-Valid bin Tələd də Elon Muska maliyyələşmədə kömək edəcəklər.
