Twitter sosial media platforması Elon Musk tərəfindən alınması xəbərlərindən sonra yaxşı rəğbət qazanmışdı. Lakin milyarder, may ayının birinci yarısından başlayaraq hissə alışı ilə əlaqədar prosesi müxtəlif səbəblər göstərərək başa çatdırılmasına imkan vermir. Ən əsas səbəb kimi saxta hesabların ümumi istifadəçi sayının böyük bir çoxluğunu təşkil etməsi kimi göstərilir. Twitter saxta hesabların platformada sadəcə 5%-lik hissəni əhatə etdiyini bildirsə də, araşdırmalar bu rəqəmin daha çox olduğunu ortaya qoydu. Elon Musk bundan sonra satın alma prosesini dondurdu. Şirkətin hissə dəyəri də aşağı düşməyə başladı. Hissədarlar bunu manipulyasiya aktı kimi qiymətləndirib. Ona görə də bununla bağlı Elon Musk məhkəməyə verilib.
Az qala 2 aya yaxındır Twitter platformasının satın alınması prosesi, adətən havada qalıb. İndi isə şirkətin hissədarları Elon Musk-ı manipulyasiya etdiyi üçün iddiham edir. Yəni Elon Musk tərəfindən edilən mənfi açıqlama və rəylər bilərək edilib. Çünki, həmin ortaya atılmış fikirlər birbaşa Twitter platformasının hissələrinin qiymətinin düşməsinə səbəb olur.
Elon Musk aylardır mütəmadi olaraq Twitter platformasının əksiklikləri barədə öz profilindən tvitlər atır. Hətta saxta hesab mövzusundan sonra platformadan istifadə edən insanların şəxsiyyətlərinin təsdiqlənməsinə dair yeni bir sistem yaratmaq istəyirdi. Ən çox bəyənilən tənqidi tvitlərindən biri isə atılmış tvitin təkrar redaktə edilməsi haqqında olmuşdu. Digər sosial şəbəkələrdən fərqli olaraq Twitter atdığınız tvitdəki səhvi düzəltməyinizə imkan vermir. Tviti silib yenidən göndərməlisiniz.
Hissədarların dediyinə Elon Musk manipulyasiya addımları ilə qanunları pozur. Məhkəmə baş tutacağı təqdirdə şikayətçi hissədarlar qalib gələrsə, qarşılığında kompensasiya ala biləcəkləri qeyd edilir. Kompensasiyanın miqdarı hələ ki, məlum deyil. Mövzu ilə bağlı Reuters resursunun hər iki tərəfdən fikirləri öyrənmək məqsədilə danışıqlar apardığı bildirilir. Amma təəssüf ki, Twitter bu mövzuda rəy bildirməyi rədd edib. Elon Musk isə ümumiyyətlə Reuters resursunun rəy tələblərinə cavab verməyib. Elon Musk məhkəməyə verilib deyə, Twitter platformasının alınması prosesinə hər hansı mənfi və ya müsbət təsir olmayacaq. Lakin nəzərə almaq lazımdır ki, Elon Musk cərimə ödəyərək satın alma prosesindən tamamilə uzaqlaşa bilər. Bu hal onsuzda dəyəri yüksəlməkdə olmayan platformanın vəziyyətini daha da ağırlaşdıra bilər.
