Amerika və Huawei şirkəti arasındakı sanksiyalarla bağlı maraqlı bir irəliləyiş yaşana bilər. Belə ki, 2019-cü ildə sanksiyalardan sonra Google servislərini itirən Huawei, daha sonra Amerika texnologiyalarından uzaqlaşdırılsa da 4 ilə yaxındır dayanmadan öz texnologiyalarını inkişaf etdirir. Bu da Amerikanın diqqətindədir. Huawei Mate 50 seriyasında peyk xidmətlərini də Apple şirkətindən əvvəl təqdim edən Çin şirkəti, indi də dayanmadan öz çipsetini hazırlamaqla bağlı işlər aparır. Göründüyü qədərilə ABŞ öz yolundan çıxmaq istəməyən Huawei şirkətinin texnologiya sahəsində daha da azad üstünlük qazanmasını istəmir. Bu səbəblə ABŞ öz texnologiyalarının qapısının qara siyahıda olan Çinli markalara, o cümlədən Huawei şirkətinə yenidən aça biləcəyi deyilir.
ABŞ bu mövzu ilə bağlı yeni standartlar hazırlayıb
ABŞ Ticarət Departamenti tərəfindən müzakirə edilən və müəyyən texnologiya və proqram təminatının istifadə edilməsinə dair standart ilə bağlı bəyanat yayıb. Bəyanat isə ABŞ firmalarının sanksiyaya məruz qalan tərəflərə, o cümlədən Huawei ilə texnologiya paylaşmamışdan əvvəl müəyyən lisenziyanın təmin edilməsini əhatə edir. Standartların detalları hələ ki, açıqlanmır. Eyni zamanda tam olaraq hansı texnologiyalar və proqram təminatından bəhs edildiyi göstərilmir. Lakin dəqiq olan bir şey var ki, bu standartların fonunda Ticarət Departamenti qara siyahıya düşən şirkətlərlə məhdudiyyətlərin yüngülləşdirilməsini nəzərdə tutur. Bu saatdan sonra Google servisləri aktivləşdirilsə belə Huawei şirkəti qlobal bazarda necə təmsil olunacağı sual altındadır.
Şirkətin gəlirləri əhəmiyyətli dərəcədə azalıb. Çin xaricinə smartfon çıxartmaq üçün də istehsal ədədləri artırılmalıdır. Nəticədə Google servisləri bərpa olunsa belə qlobal bazara qayıtmaq asan olmayacaq. Ümumilikdə isə 700 milyondan çox HMS (Huawei mobile services) istifadəçisi mövcuddur. Ona görə də Huawei həm Google, həm öz servisləri üçün eyni anda dəstək verməkdən çəkinə bilər. Mövzu ilə bağlı fikirlərinizi rəylərdə bölüşə bilərsiniz.
