Oppo şirkətinin alt brendinə çevrilən OnePlus qarşıdakı aylarda OnePlus 11 Pro modelini təqdim edəcək. Hal-hazırda sadə OnePlus 10 modelinin belə olmadığını nəzərə alsaq, böyük bir ehtimalla OnePlus 11 Pro modelində şirkət Snapdragon 8 Gen 2 üçün tələsir. Nəticədə TSMC və Qualcomm əməkdaşlığında xüsusi olaraq inkişaf etdirildiyi bildirilən Snapdragon 8 Gen 2 alıcılar üçün diqqət mərkəzində olacaq. OnePlus da bu qatarda ön hissələrdə olmaq istəyir. Bir neçə saat əvvəl OnePlus 11 Pro modelinə aid render görüntüləri OnLeaks tərəfindən smartprix əməkdaşlığında ictimaiyyətə sızdırılıb.
Yeni OnePlus 11 Pro modeli köhnə dizayn xəttinə sadiq qalır
OnePlus 11 Pro modelinə ilkin baxışımızı formalaşdıran bu render görüntüləri OnePlus 10 Pro modeli ilə bəzi ortaq elementləri ortaya çıxarır. Məsələn, ən əsas element kamera modulundan cihazın yan tərəfinə doğru uzanan adacığın yerində qalmasıdır. Lakin adacıq yeni seriyada düzbucaq şəkilli yox, dairəvi formada dizayn edilib. Kamera sensorları və LED işığın yeri isə demək olar sabit qalıb. “Hasselblad” yazısı sələfi ilə müqayisədə kamera modulunun ortasına yerləşdirilib.
Ümumilikdə isə gövdə quruluşu OnePlus 10 Pro ilə demək olar tamamilə eynidir. Əsas məsələlərdən biri də sürüşdürməli bildiriş düyməsidir ki, bu modeldə öz mövcudluğunu qoruyub. Eyni zamanda selfi kamerası da ekranın sol üst hissəsinə yerləşdirilib.
Smartfonun digər texniki xüsusiyyətləri məlum deyil. OnePlus 11 Pro modelinin prototipi nəzərən hazırlanmış render görüntülərindən başqa, əlimizdə Snapdragon 8 Gen 2 çipseti olacağı detalından əlavə heçnə yoxdur. Snapdragon 8 Gen 2 çipsetinin noyabr ayı çıxacağını düşünsək, ən gec dekabr ayı smartfon təqdim edilmiş olacaq.
