Bildiyimiz kimi yeni nəsil oyunlar, həmişəkindən daha yüksək keyfiyyətli təcrübə yaşatmaq üçün daim güclü komponentlər tələb edir. Lakin yenə də aparılan müşahidələr göstərir ki, performans baxımından ən güclü texniki imkanlar belə bəzən yüksək qrafikli oyunlarda yetərli nəticə ortaya qoymur. Bu istiqamətdən yola çıxaraq aparılan yeni araşdırmaya görə tərtibatçılar tərəfindən yeni nəsil oyunların niyə yavaş işlədiyi ilə bağlı nəticələr yayımlanıb.
Tərtibatçıların fikrincə, bunun sadə səbəblərindən biri kompüterlər arasında texniki cəhətdən fərqliliyin yaratdığı optimizasiya problemləridirsə, ən əsas problem Unreal Engine 4 mühərrikinin optimallaşdırılmasının çox çətin olmasıdır. Bu da əksər studiyalar üçün problemlər yaradır. Unity Create şirkətinin baş vitse-prezidenti və baş meneceri Mark Whitten, “Oyunların oynanılacağı kompüter konfiqurasiyalarının inanılmaz müxtəlifliyi, şübhəsiz ki, gözlənilməz problemlərə səbəb olur və çox sayda konfiqurasiyaya görə testçilər layihəni hər cür növdə sınaqdan keçirə bilmirlər” deyə qeyd edir.
Ən vacib hissəyə gəldikdə Hi-Fi Rush tərtibatçısı Hideyuki Miyashita qeyd edir ki, Unreal Engine 4 oyun zamanı simvolları və ümumi prosesin emalı baxımından son dərəcə CPU-dan istifadə edir. Oyun mühərriklərinin təkmilləşməsi və minimum dərəcədə az performansa malik texniki avadanlıqlarla yüksək performans verməyin mümkünlüyü bu gün əsas ehtiyaclardan birinə çevrilib. Lakin ildən-ilə insan insanların daha yüksək qrafiklərə malik oyunları tələb etməsi də bunu bir növ mümkünsüz edir. Təbii ki, müəyyən qədər də maliyyə problemləri və şirkətlərin tərtibatçılar üzərində qoyduğu ağır öhdəliklər də bəzilərinə görə optimizasiyaların gözdən çıxarılmasına təsir edən amillərdəndir. Bütün bunlar da oyunların yavaş işlədiyi ilə bağlı geniş müştəri şikayətlərinə səbəb yaradır.
