İyun ayında Dimensity 8100 çipseti analizi deyə bir məqalə hazırlamışdıq. Həmin paylaşımda Dimensity 8100 çipseti barədə detallara olduqca yaxından və detallı nəzər yetirmişdik. Çünki, MediaTek şirkəti həddindən artıq mükəmməl mühəndislik nümunəsi ortaya qoyaraq orta-üst seqmentdə adətən, rəqibsiz olmuşdu. Performansı Snapdragon 888 çipsetinə olduqca yaxın, enerji sərfiyyatı isə Snapdragon 8 Gen 1 çipseti ilə belə mübarizə aparmışdı. Vaxt çox sürətli keçdiyindən artıq Dimensity 8200 çipseti qarşımızdadır. Dimensity 8100 çipsetinin sələfi olaraq təqdim edilən yeni çipset barədə texniki detallara yaxından nəzər salaq.
MediaTek mühəndisliyinin zirvəsindəki Dimensity 8100 çipsetinin yenilənmiş halı Dimensity 8200 hansı detallara malikdir?
Dimensity 8200 çipseti əsas üstünlüyünü istehsal prosesinin təkmilləşdirilməsi ilə əldə edir. Dimensity 8100 çipseti TSMC 5nm istehsal prosesinə sahib olduğu halda, Dimensity 8200 çipseti TSMC 4nm istehsal prosesi ilə gəlir. Xatırladaq ki, bu istehsal prosesi Snapdragon 8+ Gen 1 və ya Snapdragon 8 Gen 2 ilə eynidir. Belə olduğu halda yenilənmiş çipsetin performansı artır və enerji sərfiyyatı daha da azalır.
Çipsetin sahib olduğu nüvə arxitekturasına baxdıqda isə sürət aşırdılmış nüvələri görürük. Çipsetin sələfində 4 ədəd Cortex-A78 nüvəsi 2.85GHz tezlikdə, 4 ədəd Cortex-A55 nüvəsi 2.0GHz tezlikdə işləyirdi. Yeni çipsetdə isə Cortex-A78 nüvələrindən birinin tezliyi 3.1GHz, üçünün tezliyi 3.0GHZ tezliyə qədər artırılıb. Beləliklə, 1+3+4 nüvə düzülüşünə malik çipset aşağıdakı arxitekturya malikdir.
- 1 x Cortex-A78 (3.1 GHz)
- 3 x Cortex-A78 (3.0 GHz)
- 4 x Cortex-A55 (2.0 GHz)
Sintetik testlərə nəzər saldıqda Dimensity 8200 çipseti AnTuTu üzərində 883.281 xal, Geekbench tək nüvəli testində 1054 xal, Geekbench çox nüvəli testində 4010 xal toplayır. Bu nəticə ilə Snapdragon 888 çipseti CPU performansı nəzərən Dimensity 8200 çipseti xeyli qabaqlamağı bacarır.
Qrafik çipi olaraq isə Dimensity 8200 çipsetinə sələfi ilə eyni, lakin cüzi sürət aşırdılmış WQHD ekran panellərini 120Hz tezlikdə işləməyi dəstəkləyən Mali-G610 MC6 quraşdırılıb. Tezliyin nə qədər artdığı naməlumdur. Stress testlərinə görə çipsetin ümumi performans stabilliyi ideal şərtlərdə 99,7% səviyyələrindədir. Mövzunun əsas hissəsini geridə qoyduqdan sonra çipsetin yerdə qalan detalları ilə davam edə bilərik.
4K 60FPS video qeydlər dəstəkəyən çipset daxilində 320MP təsvir ölçülü kameraları dəstəkləyən, 14 bit HDR görüntülər qeydə ala bilən Imagiq 785 çipi mövcuddur. 4K AV1 formatı dəstəyi, Bluetooth 5.3, WiFi 6E kimi detalları dəstəkləməkdədir. Çipsetin təchiz edildiyi ilk smartfon olan Vivo Neo 7SE modeli artıq satışdadır.
