Dünyanın ən böyük axtarış sisteminə sahib olan Google şirkəti, Chrome brauzerində 2 yeni qənaət rejimi istifadəyə verib. Belə ki, bu rejimlər yaddaşa qənaət və enerjiyə qənaət rejimləridir. Bir çox Chrome istifadəçisi brauzerin həddindən artıq operativ yaddaş həcmindən istifadə etdiyinindən şikayət edirdi. Belə ki, brauzerdə açılan hər yeni pəncərə böyük yaddaş həcmi tələb edirdi. Bundan əlavə isə, brauzerin enerji sərfiyyatı da istifadəçilər tərəfindən xoş qarşılanmırdı. Bütün bu şikayətləri nəzərə alan Google, artıq yeni rejimlər ilə bu problemlərin qarşısını alacaq.
Google Chrome brauzeri artıq 30% daha az yaddaşdan istifadə edəcək
Hərkəsə məlumdur ki, müasir internet brauzerləri kifayət qədər çox yaddaşdan istifadə edir. Adətən bu, yüksək həcmli RAM ilə təchiz olunmuş kompüterlərdə heç bir problem yaratmasa da, ofis noutbuklarında və ya daha zəif performanslı kompüterlərdə böyük problem yaradırdı. Belə ki, Chrome brauzerindən istifadə etdikdə kompüterdə digər proqramlardan istifadə etmək demək olar ki mümkünsüz olurdu.
İndi isə Google, Chrome brauzeri üçün yeni qənaət rejimlərini təqdim edib. Beləliklə yeni yaddaşa qənaət rejimi aktiv olduqda artıq brauzer 30% daha az yaddaş həcmindən istifdə edəcək. Bu isə öz növbəsində həm kompüterin daha az enerji sərf etməsinə, həm də daha sürətli işləməsinə gətirib çıxarır. Şirkətin istifadəyə verdiyi digər rejim isə enerjiyə qənaət rejimidir. Bu zaman isə brauzer, kompüterin batareyası 20% və daha az olduqda animasiyalı və ya videolu vebsaytlarda fon fəaliyyətlərini və vizual effektləri məhdudlaşdırır. Yeni rejimin batareya ömrünü nə qədər uzatdığı məlum deyil.
Əlavə olaraq qeyd edək ki, hər iki yenilik masaüstü kompüterlərdə mövcud olan Chrome brauzeridə istifadəyə verilib. Digər cihazlar üçün isə 108 yeniləməsi ilə yaxın günlərdə istifadəyə veriləcək.
