Bu yaxınlarda Xiaomi, Leica mütəxəssislərinin köməyi ilə konfiqurasiya edilmiş texniki cəhətdən ən yüksək səviyyəli kamera ilə təchiz edilmiş ən Xiaomi 12S Ultra modekini təqdim etdi. İndi isə Çinli bloqer Xiaomi 12S Ultra və Leica M10 fotoaparatı arasında maraqlı müqayisə aparıb. Çinli apardığı testlərdə nəticənin gözlənilməz olduğunu bildirib. Əksər şəkillərdə Xiaomi 12S Ultra modeli həqiqətən Leica M10 fotoaparatını üstələməyi bacarıb.
Çoxsaylı müqayisəli fotoşəkillərə əsasən, Xiaomi 12S Ultra modelində çəkilmiş şəkillər rəng bərpası baxımından Leica kamerasındakı şəkillərə çox yaxındır. Lakin daha yüksək təsvir ölçüsü, sürətli avtofokus və xüsusiləşdirilmiş proqram təminatı sayəsində yekun Xiaomi 12S Ultra modelində daha yaxşıdır. Yəni detal, kəskinlik və işığın doğru işlənməsi baxımından Xiaomi 12S Ultra modelinin müəyyən qədər üstün olduğunu hiss etmək mümkündür.
Onu da əlavə etmək lazımdır ki, Leica M10 fotoaparatı 24MP təsvir ölçülü kamera sensoru ilə təchiz olunub. Xiaomi Mi 12S Ultra modelində isə Sony ilə əməkdaşlıqda hazırlanmış bir düymlük 50MP IMX989 sensoru mövcuddur. Leica M10 modelindəki sensorun düym olaraq ölçüsü mövcud olmasa da sizə fərqli bir ölçü verə bilərik. Xiaomi 12S Ultra modelindəki IMX989 sensorunun uzunluğu 13.052 mm , eni isə 9.792 mm təşkil edir. Lakin Leica M10 fotoaparatında daha böyük ölçülü 35.8 mm uzunluğa, 23.9 mm enə sahib “24MP Full Frame CMOS” sensoru işlədilib.
Xiaomi 12S Ultra modelində baş sensor f/ 1.9 diafraqmaya və 23 mm fokus məsafəsinə malikdir. Digər bir tərəfdən Çinli bloqqer Leica M10 fotoaparatı üçün f/5.6 difraqmalı 28 mm obyektiv seçib. Təəssüf ki, görüntülər Çin mənşəli qaynaq səbəbi ilə istənilən keyfiyyətdə sizə əks olunmur. Lakin yenə də fərqləri müşahidə etmək mümkündür.
Bu gün Xiaomi şirkətinin qurucusu Lei Jun da Xiaomi 12S Ultra flaqman smartfonunun kamerasındakı 120x böyütmə texnologiyası haqqında da danışıb. O bildirib ki, müasir smartfonlar arasında yaxınlaşdırma texnologiyaları cəhətdən də ən yaxşı smartfon məhz onların istehsalı olan Xiaomi 12S Ultra modelindədir.
Bəhs etdiyimiz videoya buradan keçid edə bilərsiniz. Siz bu mövzu barədə nələr düşünürsünüz? Fikirlərinizi rəylərdə qeyd etməyi unutmayın.
