Microsoft Windows əməliyyat sistemi şübhəsiz ki, illərdir kompüter əməliyyat sistemi bazarında hökmranlıq edir. Amma illər ərzində vəziyyət xeyli dəyişib. StockApps tərəfindən təqdim edilən statistika nümayiş edir ki, Windows əməliyyat sisteminin bazar payı son illərdə kifayyət qədər azalıb. Rəqiblər isə kompüter əməliyyat sistemi bazarında öz vəziyyətlərini gücləndiriblər.
Microsoft Windows əməliyyat sisteminin son statistikası açıqlanıb
Təqdim olunan məlumatlara əsasən, kompüterlər üçün əməliyyat sistemləri bazarında Windows ƏS payı 2013-cü ildəki 90,96% təşkil edirdi. 2022-ci il üçün bu göstərici 73,72%-a düşüb. Beləliklə Microsoft Windows əməliyyat sistemi 17% yaxın bazar payı itirib. Bu isə ilə 2% deməkdir.
StockApps maliyyə eksperti Edith Rids
“Rəqabət gücləndikcə əməliyyat sistemi bazarında Windows ƏS üstünlüyü zamanla azalır. Günümüzdə Microsoft şirkəti alternativ ƏS tərtibatçı şirkətləri ilə xeyli rəqabət aparır. Microsoft daha çox açıq mənbəli, sadəliyi ilə fərqlənən, təhlükəsiz və.s tipli müəyyən insanlara və ya şirkətlərə xitab edən əməliyyat sistemləri ilə öz bazar payını bölüşür”
Əməliyyat sistemləri bazarında rəqiblər
Microsoft şirkətinin Windows əməliyyat sistemi bazarında əsas rəqiblərindən biri də Apple şirkətinin əməliyyat sistemidir. Apple şirkətinin 2013-ci ildə bazar payı 7,95% təşkil edirdi. 2021-ci iin Dekabr ayı üçün bu rəqəm 15,33% qədər artıb. Google şirkətinin Chrome OS əməliyyat sisteminin bazar payı 0,01%-dan 6,68% qədər artıb.
Eyni zamanda açıq mənbəli əməliyyat sistemləri hal-hazırda populyarlıq qazanır. Linux əməliyyat sistemləri bazarında daha çox pay almağa davam edir. Bu ƏS-nin üstünlükləri arasında onun açıq mənbə kodu-nun və onun pulsuz olmasıdır. Bundan əlavə, istifadəçilər onu digər əməliyyat sistemlərindən daha stabil, daha sürətli və daha təhlükəsiz hesab edirlər.
1985-ci ildən etibarən Microsoft şirkəti kompüter proqram təminatı sənayesində fəaliyyət göstərir. Onun ən yadda qalan əməliyyat sistemləri arasında Windows 95, Windows XP və Windows 7 var. Bəzi istifadəçilər hələ də XP və Windows 7 versiyalardan istifadə edir.
