Yüksək sürətli şarj dəstəyi deyəndə artıq üç rəqəmli dəyərlər hər gün ən üst limitlərə çatmağa biraz daha yaxınlaşır. Əvvəllər 120W dəyərlərində sürətli şarj dəstəkləyən smartfonlara həyəcanla baxırdıqsa, indi orta seqment cihazların əksəriyyəti Çin istehsalı cihazlarda bu ətraflarda şarj dəstəyinə malikdir. Hətta bu yaxınlarda Realme şirkəti 240W sürətli şarj texnologiyasını belə anons etmişdi. Həmin cihaz üçün 0-100% enerji toplama müddəti təqribi 11 dəqiqə çəkirdi. Hətta bu müddəti 9 dəqiqəyə qədər azaltmaq olurdu. Belə ki, Redmi brendi ötən saatlarda mobil enerji doldurma texnologiyasında yeni bir rekorda imza atdığını açıqladı. Başlıqdan da gördüyünüz kimi söhbət Redmi brendinin 300W şarj texnologiyasından gedir.
300W adapter ilə boş Redmi modelini tam doldurmağa sadəcə 4 dəqiqə 59 saniyə lazım olub
300W sürətli şarj dəstəkləyən demo cihazı, 210W sürətli şarj dəstəkləyən Redmi Note 12 Pro+ Discovery Edition modelinin eynisidir. 4.300 mAs batareyalı model, sdəcə biraz modifikasiya dəyişikliyindən keçərək 4.100 mAs həcmli fərqli bir batareya əldə edib. Videoda da görəcəyiniz kimi, smartfon 1 dəqiqədən biraz uzun bir period ərzində 20%, 2 dəqiqə 12 saniyədə 50% və ardıyca 5 dəqiqədən biraz daha qısa bir müddət ərzində 100% səviyyəsinə çatır. Enerji monitoruna baxdıqda isə, adapterin həqiqətən də 290W üzərində dəyərləri gördüyü müşahidə olunur. Hətta 2 dəqiqə boyunca 280W və üzəri dəyərlərdə şarjın davam etdiyini görə bilərsiniz.
300W dəstəkli ilk Redmi modelin nə vaxt bazara çıxarılacağı naməlum olsa da texnologiyanın seriya istehsalına göndəriləcəyi dəqiqdir. Hətta bu qədər sürətli şarj üçün Xiaomi şirkəti batareyalarına da təkmilləşdirib. Batareya daxilində elektrodların qalınlığı 35% daha azdır. Bunun da səbəbi batareya daxilində elementlərin yeni karbon tərkibli materiallara əvəzlənməsidir. Qalınlıq da 35% azaldığından və həcm biraz kiçildiyindən açılan boş yerlərdə termal vəziyyəti optimallaşdırmaq üçün batareya hüceyrələri arasında istiliyi paylayan elementlər quraşdırılır. Yəni həddindən artıq üzərində təkmilləşdirmələr edilmiş bir texnologiya qarşımıza çıxır.
