İllər əvvəl Amerikanın Çin başda olmaqla Huawei şirkətinə qarşı yeritdiyi sanksiyaların bənzəri sanki, indi də Çin tərəfindən iPhone timsalında Apple üçün yeridilməyə başlanıb. Proses bu həftə Apple-ın Çin dövlət işçilərinə qarşı sanksiya qoyması ilə gündəmə gəldi. Çin hal-hazırda xarici texnologiyalardan asılılığını azaltmağa çalışır. Bu çərçivədə, Çin dövlət qurumlarında çalışanlara Apple şirkətinin iPhone və ya digər cihazlarını istifadə etməmələri və ofisə gətirməmələri barədə əmr verildi. Üstəlik, bu qərarın digər xarici markalı cihazlar üçün də keçərli olduğu daha sonra ortaya çıxdı. Lakin ən vacib əməl edilməli nüans Apple məhsullarının işlədilməməsi idi.
Çin kritik dövlət qurumlarında çalışanlar üçün iPhone və ya xarici məhsulların istifadəsini artıq qadağan etmişdi. Lakin bir müddət əvvəl bu qadağanın əhatə dairəsi xeyli artırıldı və həssas departamentlərdən kənara çıxaraq hökumət tərəfindən dəstəklənən qurumlara və dövlət şirkətlərinə qədər genişləndi. İndi isə iPhone qadağasından sonra Apple-ın səhmləri əhəmiyyətli dərəcədə aşağı düşdüyü, üstəlik Apple mağazalarında ciddi sakitçlik hökm sürməyə başladığı görülür.
Qadağa qərarından sonra Apple-ın səhmlərinin qiyməti iki gün ərzində 10% ucuzlaşıb. Birjanın çökməsindən sonra Apple 200 milyard dollardan çox dəyər itirdi. Şirkətin bazar dəyəri 2,78 trilyon dollara qədər azaldı. Bir çox qərb şirkətləri ölkədə mübarizə aparsa da, Çin Apple üçün böyük, aktiv və satışların inanılmaz yüksək həcmdə olduğu bir bazardır. Şirkətin rəhbəri Tim Cook Çin ilə mart ayındaki əlaqələrini yüksək qiymətləndirdi və ölkədəki satışları son rübün “ən mühüm” hadisəsi kimi xarakterizə etdi. Apple-ın iPhone gəlirlərinin də tam olaraq 18 faizi Çinin payına düşür. Ancaq görünür, Pekinin öz ölkəsinin xeyrinə xarici məhsulları sıxışdırması Tim Cook-un danışdıqları ilə bağlı heç bir məna kəsb etmir.
Digər bir nəzərlərdən yayınmayan hal isə, elə mağazalarda yaşanır. Qərardan sonra xüsusilə, hər bir vacib elementinə qədər Çində hazırlanan Huawei Mate 60 seriyası ciddi tələb görür. Bəlkə də təsadüf deyil ki, Mate 60 seriyasının ardınca bu qərar ortaya çıxır. Çinlilərin sosial media hesablarından paylaşdığı görüntülər populyar yerlərdə Apple mağazasında müştərilər olmazkən, paralel Huawei mağazalarında onlarla insanın növbəyə durduğu paylaşılır. Yekunlaşdırsaq, Çin Amerikaya qarşı elə iPhone-lar üzərindən illər əvvəl Huawei smartfonlarının yaşadığı qədər olmasa da uğurlu hücum siyasəti yeridir. Şirkətin ölkədəki fəaliyyətinə toxunmadan, alıcılar üzərində yaradılan təsir satış ədədlərini dolayı yolla azaldır.
Apple ilk dəfə Çindən böyük bir ehtimalla əvvəlcədən planlaşdırılan qədər qazanc əldə edə bilməyəcək. Bu o deməkdir ki, nəticələr Apple şirkətinin gələcək mənfəətinə təsir edəcək və müvafiq olaraq, yeni məhsullar ya mövcud bazarlarda daha çox satılmalı, ya da eyni məbləğ üçün daha baha satılmalı olacaq.
