Texnologiya həqiqətəndə əvvəlcədən təxmin edilməyən yeniliklərlə doludur. 10 il əvvəl kim düşünə bilərdi ki, ağıllı smartfonlar bu qədər inkişaf edəcək, internet 5G sürətində olacaq və avtomobillər benzin ilə deyil elektrik ilə işləyəcək. Lakin bu reallıqdır, texnologiyanın günümüzdə olan reallıqları. İndi Tesla brendi gələcəyin taksiləri üçün yeni modellər hazırlayır. Belə ki, Elon Musk Tesla brendinin güzgüsüz, pedalsız və sükansız robot taksi modelini hazırladığını bəyan edib.
Beləliklə Tesla brendi tərəfindən gələcəyin robot taksi modeli olaraq qələm verilən bu elektromobil cybertruck modelinin dizaynından ilhamlanacaq. Avtomobil sahəsinin ən etibarlı mənbələrinə görə, Elon sürücüsüz robot taksilərə çox diqqət yetirir. Hətta milyarder öz avtomobil şirkətini razı salmaq üçün müəyyən qədər əlləşib. Belə ki, Tesla rəhbərləri 25 min dollarlıq ən ucuz tesla modeli ilə yanaşı yeni robot taksiləri də hazırlayacaq. Bildiyimiz kimi, Tesla 2030-cü ilə qədər 20 milyon avtomobilə çatmağı hədəfləyir. Belə bir məqsədə çatmaq üçün isə şirkətə tez və geniş miqyasda istehsal edilə bilən bir elektromobil modeli lazımdır.
Əslində bu gün Tesla modelləri qiymət cəhətdən orta seqmentə daxil olsa da, Elon daha ucuz amma daha az performanslı modellər təklif edəcək. Teslanın gündəmində hazırda robot taksilər və ən ucuz elektromobil gündəmdədir. Təbii ki, robot taksilər üçün FSD funksiyası daha çox təkmilləşdirilməlidir. Çünki bu modeldə nə sükan, nə pedal, nə güzgü nə də sürücü olacaq. Yəni bütün məsuliyyət Tesla brendinin robot taksisinə aid olacaq. Məhz buna görə də amerikalı avtomobil nəhəngi daha məsuliyyətli olmalıdır.
