Yəqin ki, siz səhər saatlarında quşların necə gözəl melodiya ilə nəğmə oxuduğunun şahidi olmusuz. Elm adamları şəhərdə məskunlaşan quşlar ilə bağlı araşdırma edərkən maraqlı bir faktı ortaya çıxıb. Belə ki, Beynəlxalq Quş Elmləri jurnalında nəşr olan araşdırmaya görə şəhərdə məskunlaşan quşların oxuduğu nəğmələrin melodiyası antropogen təsirə məruz qalaraq dəyişir.
Elm adamları tərəfindən aparılan araşdırmada ən diqqət çəkən kəşf quşların antropogen təsirdən asılı olaraq oxuduqları nəğmələrin melodiyalarının dəyişməsi olub. Belə ki, tədqiqatçılar eyni növə aid 2 quşu fərqli şəraitlərdə müşahidə ediblər. Belə ki, onlar səs-küysüz və səs-küylü şəraitdə günlərlə yaşayan hər iki quşun oxuduğu nəğmələri araşdırıblar. Nəticədə daha səs-küylü mühitdə günlərlə yaşayan quş yaşadığı mühitin təsirinə məruz qalıb və oxuduğu nəğmənin melodiyasını dəyişib. Bəzi növlər səsi basdırıldığı, melodiyasının uyğun cütləşmə dövründə işə yaramamağa başlaması və digər səbəblərlə ümumiyyətlə oxumamağa başlayıblar. Beləliklə deyə bilərik ki, kifayət qədər vaxt keçdikdən sonra şəhərdə məskunlaşan quşlar və daha səssiz ərazilərdəki quşlar tamamilə fərqli şəkildə inkişaf edəcək.
Araşdırmada diqqət çəkən faktlardan biri də ev quşları ilə bağlı olub. Belə ki, tədqiqatçılar ev quşlarının insan səsinin daha yüksək olduğu ərazilərdə oxuduğunu müşahidə ediblər. Ümumiyyətlə aparılan araşdırmalarda quşların insanlar tərəfindən məcburi təsirə məruz qalması müşahidə olunub. Elm adamları bu problemi azaltmaq üçün şəhərlərdə daha çox yaşıllıq ərazilərin, parkların salınmasının lazım olduğunu qeyd edib. Lakin müasir zamanda şəhərlərdə parklara daha az yer ayrılır. Qeyd edək ki, zəngin faunaya sahib olan ölkəmizdə 14 quş dəstəsi məskunlaşır. Bu quş dəstələrinin isə hərəsinə aid onlarla quş növu var. Bunların arasında isə sadəcə 34-ü Azərbaycan Respublikasının Qırmızı kitabına düşüb.
