iOS cihazlarında uzun müddətdir ki, məlumatların sizin icazəniz olmadan reklamçılara çatdırılmasının qarşısını alan Apple Tracking Transparency (Tətbiq İzləmə Şəffaflığı) adlı funksiya var. Bu xüsusiyyət istifadəçilərə aktivliyinizi izləyib-izləməməklə bağlı qərar verməyə kömək edir. Bənzər bir xüsusiyyəti DuckDuckGo tətbiqi Android cihazlarına gətirdiyini bildirir.
DuckDuckGo tərəfindən verilən məlumata görə, Android cihazlar üçün Tətbiq İzləmə Mühafizəsini beta istifadəçilərinin xidmətinə verilib. Yeni funksiya Apple ATT xüsusiyyətinə bənzəsə də, iddialara görə ondan daha güclü olduğu deyilir.
Tətbiq İzləmə Mühafizəsini aktivləşdirdikdən sonra telefonunuzun daxilində xariclə əlaqəsi olmayan LOKAL VPN bağlantısı simulyasiyası yaradılır. Daha sonra DuckDuckGo tətbiqi bu üsulla reklam elanlarının göstərilməsi üçün istifadəçi aktivliyini istəyən servisləri yanıldır.
DuckDuckGo platformasının analizlərinə görə, orta hesabla Android istifadəçisinin smartfonunda 35-ə yaxın proqram quraşdırılır. Onların hər birində şirkətlər tərəfindən istifadəçilərin hərəkətlərini və aktivliyini izləmək üçün istifadə olunan kod bölmələri yerləşdirilir. Belə bir cihaz hər gün 1000-2000 izləmə cəhdinə məruz qalır və 70-dən çox şirkətə böyük miqdarda şəxsi məlumat göndərir.
Bura telefon nömrəsi, yer, e-poçt ünvanı, şəxsiyyət məlumatları və hətta barmaq izi məlumatları kimi detallar daxildir. Şirkət sözügedən texnologiyanın təxminən bir il sınaqdan keçirildiyini və indi bütün Android smartfon sahibləri üçün əlçatan olduğunu bildirir.
Tətbiq İzləmə Mühafizəsini aktivləşdirdikdən bir müddət sonra brauzer sizə ən çox izlənilən proqramlar haqqında statistik məlumat da verəcək. Qeyd edək ki, xüsusiyyət tətbiqin brauzer parametrləri daxilindən aktivləşdirilir.
