Önümüzdəki il yayımlanacaq olan Android 14 haqqında ilkin məlumatlar artıq gəlməyə başlayıb. Google yeni əməliyyat sistemi üçün yenə şirniyyat adlarından istifadə edəcək.
Google 2023-də yayımlanması planlanan Android 14 üçün kod adı seçib. Upside Down Cake (Altüst kek) olaraq adlandırılan Android 14 əməliyyat sisteminin AOSP kodlarında bu məlumat aşkarlanıb. Android-in AOSP versiyası Android Open Source Project deməkdir və bir çox istifadəçi bu versiyanı öz istəyinə uyğun modifikasiya edə bilər. Google da hər dəyişikliyi öz siyasətinə uyğun olaraq AOSP versiyalara da tətbiq etməlidir. Qeyd edək ki, Google şirkəti Android əməliyyat sistemi üçün hər il Əlifba hərflərinin sırası ilə uyğun şirniyyat adları seçir. Məsələn, Android 12 üçün Snow Cone, Android 13 üçün isə Tiramusu kod adları seçilmişdi.
Google, Android 14 üzərində işləyir
Android 10-dan əvvəl Android versiyalarında şirniyyat adının ilk hərfi istifadə edilirdi. Android Q (Queen’s Cake) kimi. Lakin strategiya dəyişikliyi səbəbilə artıq Android-a verilən şirniyyat adları sadəcə kod adı olaraq istifadə olunur. Android 14-un kod adının ortaya çıxması şirkətin aktiv şəkildə bu versiya üzərində işləməyə başladığını göstərir. Yeni əməliyyat sisteminin nə kimi yeniliklər gətirəcəyi hələki məlum deyil. Bundan daha əvvəl Google şirkəti Android əməliyyat sistemlərində ciddi yeniliklər gətirirdi. Bu yeniliklər də smartfon istehsalçıları tərəfindən özlərinin interfeyslərinə inteqrasiya edilirdi.
Lakin bir müddət sonra Android yenilənmələrinin gecikməsi, smartfon interfeyslərinin təkmilləşməsi bu prosesi dəyişdi. Belə ki, artıq smartfon interfeysləri hər yeni versiyada daha çox yenilik gətirir, sonra isə Google bu yeniliklərdən bəzilərini Android-ə inteqrasiya edir. Bu səbəblə saf Android istifadə edən smartfonlar digər markaların modellərindən funksiya baxımından geriyə qalır. Bütün bunlardan sonra istifadəçilərdə saf Android-ə qarşı maraq azalmağa başladı. İstifadəçilər də bu prosesləri bildikləri üçün artıq Android 14 üçün çox da həyəcanlanmır. Onları əsas həyəcanlandıran markaların interfeys yenilənmələridir. Samsung-un OneUI, Xiaomi-nin MIUI, OnePlus-un OxygenOS yenilənmələri bir xeyli istifadəçi tərəfindən bəyənilir və təqdir olunur. Google isə saf Android üzərindən davam edir.
