TSMC şirkəti qısa müddət əvvəl 2nm çip istehsalı üçün 2025-in sonlarında hazır olacağını bildirmişdi. Bəzi mənbələrə görə Apple və Intel, TSMC-nin 2nm istehsalı üçün ilk müştərilər ola bilər. 2026-da tam istehsala keçməsi gözlənilən 2nm prosesi şirkətin GAAFET (Gate-All-Around Field-Effect Transistor) dizaynından ilk dəfə istifadə edəcək.
Bir digər çip istehsalı ilə məşğul olan şirkət Samsung isə 2023-də 3GAE texnikası ilə çipləri istehsal edə biləcək. Ən bilinən prosessor istehsalçılarından Intel şirkəti 2024-ün sonlarından başlayaraq TSMC ilə müqavilələr imzalaması gözlənilir. Beləliklə şirkət 2025-də ilk 2nm çiplərini TSMC ilə birliktə istehsal edib istifadəçilərə təqdim edə biləcək. Şirkətin bu gələcək planlarından faydalanan bir digər markanın isə Apple olacağı gözlənilir. Apple illərdir ki, gəlir baxımından TSMC-in ən böyük müştərisi hesab olunur. 2nm-lik M çiplərinin birgə istehsal ediləcəyi düşünülür. DigiTimes və UDN kimi mənbələr əlavə olaraq bildirib ki, Intel özünün gələcək qrafik çiplərini Taiwan-lı nəhəng istehsalçının 2nm prosesi ilə istehsal etməyi düşünür. Beləliklə 2nm-lik çipləri, prosessorları 2026-nın əvvəllərində görə bilərik.
TSMC çip istehsalında ən yaxşısıdır
Qeyd edək ki, Taiwan əsaslı bu nəhəng şirkət çip istehsalında lider şirkət hesab olunur. Onun istehsal metodu həm öz səmərəliliyi, həm də performans cəhətdən üstünlüyü ilə bilinir. Bir digər çip istehsalçısı olan Samsung ilə aralarında çox ciddi rəqabət mövcuddur. Beləki, çip istehsalı zamanı bu iki şirkət müxtəlif qiymətlər və istehsal tarixini çip istəyən şirkətlərə təqdim edir. Uyğun qiymət və tələb olunan vaxt səbəbilə şirkətlər də ehtiyacları olan çipi hansı şirkətin istehsal edəcəyinə qərar verirlər.
Samsung uyğun qiyməti səbəbilə son illərdə çip istehsalında ilk ağla gələn markalardan birinə çevrilmişdi. Lakin şirkətdaxili skandalların ortaya çıxması, çip istehsal departamentindəki mühəndislərin yalan deməsi və istehsal metodunun az səmərəli olması səbəbilə artıq böyük bir müştəri kütləsi itirməyə başlayıb. Buna görə də gözlər Samsung-un rəbiqi olan TSMC-ə yönəlib. AMD şirkətinin də öz videokart çiplərinin istehsalı üçün Samsung-dan uzaqlaşacağı bildirilir. Bu iki şirkət arasındakı rəqabət həm istehsal metodlarının daha çox təkmilləşməsinə, həm də daha performansı çiplərin istehsalının sürətlənməsinə ciddi mənada təsir göstərir.
