Araşdırmalara görə, Yupiterin böyük qırmızı ləkəsi son 50 ildə getdikcə kiçilməyə doğru gedir. Alimlər isə bu kiçilmənin səbəbini artıq bildiklərini iddia edirlər. NASA tərəfindən Yupiter araşdırması üçün kosmosa göndərilən Juno vasitəsi uzun illərdir ki, planeti tədqiq edir və yeni tapıntılar əldə etməyə davam edir. Yupiterin yanından keçən Juno kosmik gəmisindən əldə edilən yeni məlumatlar qırmızı ləkə ilə bağlı yeni təfərrüatları ortaya çıxarıb.
Yupiterin planetdəki fırtınalar səbəbindən yaranan qırmızı ləkəsi hətta Yerdən də müşahidə aparıldığında görünür. Amma diqqətlə baxıldığında bu nöqtənin planetin ətrafında 16 min kilometr dövr edən, Yeri tamamilə udacaq qədər böyük olan və yüz illərdir davam edən bir tufan olduğu düşünülür. Astronomlar ləkənin nə zaman əmələ gəldiyini, niyə əmələ gəldiyini və hətta niyə qırmızı olduğunu dəqiq bilmirlər. Lakin son məlumatlara görə, Yupiterin səthindəki böyük qırmızı ləkə kiçilir. Mütəxəssislərin fikrincə, bu bölgə kiçik tufanları udaraq uzun müddət öz ölçüsünü qoruyub saxlaya bilsə də, bu tufanlar getdikcə azalmağa başlayıb.
2012-ci ildən bu yana qırmızı nöqtə daha dairəvi olub və ildə təxminən 900 km sürətlə kiçilir. Yale Universitetinin kosmik meteorologiya üzrə doktorantı Caleb Keaveney və onun həmkarları kompüter modelindən istifadə edərək Yupiterdəki qırmızı ləkə ilə daha kiçik keçici fırtınalar arasında qarşılıqlı əlaqəni simulyasiya ediblər. Tədqiqatçılar böyük qırmızı ləkəni kiçik fırtınalardan qidalandıraraq, ləkənin nə qədər böyük və ya kiçik olacağına nəzarət ediblər.
