Beləliklə, tam avtomatik robot diş həkimi dünyada ilk dəfə olaraq bir insan üzərində əməliyyat keçirib. Boston mərkəzli Perceptive şirkəti, dünyada ilk dəfə olaraq bir insan üzərində tam avtomatik şəkildə diş əməliyyatı hətaya keçirən süni intellekt sistemi yaradıb. Robot diş həkiminin, əməliyyatda bir mütəxəsissdən səkkiz dəfəyə qədər daha sürətli olduğu ortaya çıxıb.
Sistem, ağız boşluğunun ətraflı üçölçülü modelini yaradan, əldə daşınıla bilən üçölçülü bir skanerə sahibdir. Skaner, optik koherens tomoqrafiyadan (OST) istifadə edərək dişlərin, diş ətlərinin və hətta diş sinirlərini görüntüləyə bilir. Bu texnologiya, son dərəcə həssas modellər yaratmaq üçün yalnız işıq şüalarından istifadə edərək zərərli şüaların da qarşısını alır. Qeyd edək ki, daha əvvəl robot diş həkimi dişin əməliyyata hazırlanmasında ixtisaslaşmışdı. Qeyd edək ki, diş örtüyünün yerləşdirilməsi əməliyyatı ümumiyyətlə təxminən iki saat çəkir və sadəcə iki həkim ziyarəti tələb edirdi.
Tam avtomatik Perceptive sistemi isə diş örtüyünün yerləşdirilməsini təxminən 15 dəqiqədə bitirərək xəstənin daha sürətli şəkildə əməliyyat olunmasına imkan verir. Tərtibatçılar iddia edirlər ki, xəstə aktiv hərəkət edərkən belə sistem təhlükəsiz işləyə bilər. Həmçinin, insanların əməliyyat sırasında hərəkət etməsi də simulyasiya edildikdə sistem uğurlu nəticə əldə edib. Bu isə sistemin yüksək etibarlılığını və təhlükəsizliyini göstərir. Şirkət bildirir ki,“Biz stomatoloqlara qabaqcıl görüntüləmə, süni intellekt və robototexnika sahəsində inqilabi irəliləyişlərlə daha çox xəstəyə qulluq etməkdə kömək edirik”. Perceptive-in baş direktoru və təsisçisi Dr. Chris Ciriello həmçinin, “Dünyanın ilk tam avtomatlaşdırılmış robot diş prosedurunu uğurla başa vurduğumuz üçün həyəcanlıyıq” deyə açıqlama verib.
