Microsoft şirkət ötən gün bu il gəlirlərini rüblərə görə müvafiq olaraq 15% və 10% artıraraq 67,7 milyard dollara çatdırıb. Bulud həlləri seqmenti böyüməyə davam etsə də, şirkətin aparat satışları azalmağa davam edir. Qeyd edək ki, Microsoft şirkəti Activision Blizzard sayəsində bulud həlləri tərəfində oyun gəlirlərini olduqca artırmağı bacarıb.
Microsoft-un server məhsulları və bulud xidmətlərini əhatə edən Ağıllı Bulud gəliri əvvəlki ilə nisbətən 19% artaraq 28,5 milyard dollara çatıb. Maraqlısı budur ki, şirkətin Ağıllı Bulud gəliri hazırda Microsoft-un ümumi gəlirinin təxminən 45%-ni təşkil edir. Eyni zamanda, istehlakçı cihazları seqmentində performans azalmaqda davam edir. Windows-un OEM-lərdən əldə etdiyi gəlir, onların fərdi kompüterlər üçün əməliyyat sistemini lisenziyalaşdırmaq üçün ödədikləri qiymət, əvvəlki ilə nisbətən 4% artıb.
Qeyd edək ki, Microsoft ötən aylarda yeni Copilot Plus PC cihazını təqdim etmişdi. Bununla belə, onun satışlarının Microsoft-un maliyyə göstəricilərinə təsiri yeni rüb qədər hiss olunmaya bilər. Xbox Game Pass daxil olmaqla, Xbox məzmunu və xidmətlərindən əldə edilən gəlir rübdə illik müqayisədə 61 faiz artıb, Activision Blizzard isə şirkətə 58 faiz töhfə verib. Maraqlısı budur ki, əgər Microsoft Activision Blizzard-ı almasaydı müsbət tendensiya sadəcə 3% ilə davam edəcəkdi. Şirkət hazırda müsbət tendensiyadan istifadə edərək Xbox GamePass qiymətlərini bahalaşdırmağa çalışacaq. Belə ki, şirkətin sentyabr ayında Xbox Game Pass Ultimate və PC Game Pass abunəliklərini müvafiq olaraq 19,99 və 11,99 dollara qədər artacağı gözlənilir.
