Sürətlə inkişaf edən texnologiya qarşısında tarixə çevrilən alətlərdən biri də yazı maşınlarıdır. Belə ki, uzun illər ofislərdə öz yerini tutan yazı maşınları bir müddət rəqəmsallaşaraq həyatda qalmağa çalışsa da uğurlu nəticə verməmişdi. İndi isə tarixin tozlu səhifələrində qalan bu yazı maşınları kompüterə çevrilərək yenidən “həyata qaytarılıb”.
Reddit istifadəçisi, artıq yararsız və ya lazımsız hala gəlmiş rəqəmsaı yazı maşınının bəzi hissələrinin əksik olduğunu görüb və bununla da bir kompüter yaratmaq qərarına gəlib. O, digər komponentləri çıxardıqdan sonra əvəzinə kompüter hissələri birləşdirib və gündəlik əməliyyatları idarə edə biləcək bir sistem yaradıb. Uzun səylər nəticəsində istifadəçi korpusa microATX ana plata yerləşdirməyi bacarıb və daha sonra Intel Core i5-6600 prosessorunu bu plataya quraşdırıb.
Bundan əlavə, o, Nvidia GT 635 qrafik kartı, 4GB DDR4 RAM və 240GB SATA SSD quraşdırmaqla sistemi yarada bilib. enerji mənbəyi üçün 200W SFX enerji təchizatına üstünlük verən istifadəçi, PCIe x16 bağlantısı olmadığı üçün qrafik kartını PCIe x1 yuvası vasitəsilə təqdim edib. Orijinal yazı maşınındakı klaviatura Arduino Leonardo mikrokontrolleri ilə USB klaviaturaya çevrilib. Beləliklə, istifadəçi sadə əməliyyatlar üçün əlavə korpusa ehtiyac duymadan maraqlı kompüter yığıb.
