Süni intellekt modelləri üzərində mübahisəli araşdırma aparılıb. Belə ki, araşdırma nəticəsində süni intellekt modellərinin də insanlar kimi yaşlandıqca idrak qabilliyətinin zəiflədiyi ortaya çıxıb. Ancaq bu araşdırmanın izah edə bilmədiyi bir məqam var.
İlk mərhələlərində olmasına baxmayaraq həyatımızda əhəmiyyətli yer tutan süni intellekt texnologiyaları diqqət çəkən bir araşdırma ilə gündəmə gəlib. Bir qrup alim süni intellektin intellektinin həmişə eyni səviyyədə olub-olmadığını öyrənmək üçün araşdırma aparıb. Alzheimer və demans kimi xəstəliklər üçün istifadə edilən MoCA testindən istifadə edən elm adamları gözlənilməz nəticə ilə qarşılaşıblar. 20 dekabr 2024-cü ildə nəşr olunan və indi gözə çarpan araşdırma, süni intellektin də bir müddət sonra pisləşməyə başladığını ortaya çıxarıb. Araşdırmaya görə, fəal şəkildə istifadə edilən süni intellekt modelləri zamanla idrak qabiliyyətlərini qismən itirir. Başqa sözlə, insanlar kimi, süni intellekt də yaşlandıqca fəaliyyəti zəifləyir.
Tədqiqat çərçivəsində alimlər OpenAI-nin GPT, Google-un Gemini və Anthropic-in Sonnet modelləri kimi məşhur süni intellekt modellərini 30 ballıq MoCA testinə məruz qoyublar. GPT-4o modelinin 26 bal aldığı testlərdə Gemini 1.0 yalnız 16 bal toplayıb. Beləliklə, köhnə modellər daha çox imkanlarını itiririb. Bununla belə, burada mühüm bir məqam var. Nisbətən köhnə süni intellekt dil modelləri tutumları baxımından hələ kifayət hesab olunmur. Bəlkə də problemin mənbəyi məhz budur. Tədqiqatçılar bütün modellərdə koqnitiv pozğunluq əlamətlərinin olduğunu desələr də, modellərin ilkin imkanları haqqında heç nə deyilmir.
