Son zamanların ən böyük süni intellekt tendensiyalarından biri, ChatGPT-yə inteqrasiya edilmiş və Studio Ghibli kimi xüsusi üslublarda vizual görüntü yarada bilən yeni render aləti olmuşdur. İstifadəçilər tərəfindən böyük maraqla qarşılanan bu texnologiya həm valehedicidir, həm də OpenAI-nin infrastrukturunu öz sərhədlərinə qədər sıxışdırır. Baş direktor Sam Altmanın sözlərinə görə, istifadəçilər yeni alətdən sonra ChatGPT-ə axışıblar.
OpenAI-nin yeni GPT-4o ilə təchiz edilmiş görüntü yaradan modeli apon animasiya əfsanəsi Hayao Miyazaki və ya digər studiyaların üslubunu təqlid edən vizual görüntülər yaratmaq qabiliyyəti ilə diqqət çəkir. İstifadəçilər yalnız mətn əmrlərindən istifadə edərək böyük emosional dərinliyə malik ətraflı, əl ilə çəkilmiş səhnələr yarada bilərlər. Bu texnologiya qısa zamanda nostalji və bədii cəhətləri ilə sosial medianın yeni sevimlisinə çevrilib. Tarixi hadisələrdən tutmuş Ghibli üslubunda yenidən təsəvvür edilən müasir pop mədəniyyət xadimlərinə qədər yaradıcılıq işləri interneti zəbt edib.
OpenAI-nin aparat infrastrukturuna gözlənilməz gərginlik yaradıb. CEO Sam Altman sosial şəbəkədəki paylaşımında yumoristik şəkildə bildirdi ki, şirkətin qrafik prosessorları (GPU) həddindən artıq tələbat səbəbindən sözün əsl mənasında “əriyir”. Süni intellektlə təsvirlərin yaradılması prosesləri ənənəvi görüntü emal üsullarından qat-qat mürəkkəbdir. Süni intellekt hər pikseli təhlil etmək və ən uyğun rəng və toxumanı müəyyən etmək üçün milyonlarla, hətta milyardlarla hesablamalar aparır. Bunun üçün geniş miqyaslı GPU klasterlərinin tam gücü ilə işləməsi tələb olunur. İstifadəçi tələbi artdıqca, OpenAI-nin emal gücü limitlərinə çatır. Əslində buna görə də yeni funksiya məhz bu gün pulsuz istifadəçilərə təqdim edilib. OpenAI-nin bu yeni xüsusiyyəti platformaya rekord sayda yeni istifadəçi gətirib. Sam Altmanın sözlərinə görə, ChatGPT istifadəyə verildiyi zaman beş gün ərzində bir milyon istifadəçiyə çatıb. Habelə, Ghibli üslublu render funksiyasının əlavə edilməsi isə cəmi bir saat ərzində bir milyon yeni istifadəçi axınına səbəb olub.
