Elektrikli avtomobil nəhəngi Tesla, ABŞ-dakı tariflərin nisbətən cüzi təsiri sayəsində son zamanlarda səhmlərində bir canlanma görsə də, tədarük zənciri cəbhəsində ciddi problemlərlə üzləşib. Belə ki, səhmləri iin əvvəlindən bəri 33% ucuzlaşıb. Hətta, iş o yerə çatıb ki, Tesla ABŞ-ın Çindən idxal etdiyi avtomobil və hissələrin idxalına tətbiq etdiyi 145 faizlik vergi səbəbilə Çindən Cybercab və Semi modelləri üçün hissələrin göndərilməsini ləğv edib. Bununla belə, Elon Musk yeni açıqlamasında bildirib ki, Tesla bu il fabrikdən birbaşa evinizə avtonom olaraq gələcək.
Reuters-in verdiyi xəbərə görə, Çindən gələn yüksək tariflər onun istehsal planlarını birbaşa təhdid etdiyi üçün Tesla bu qərarı vermək məcburiyyətində qalıb. Şirkət hər iki modelin sınaq istehsalına 2025-ci ilin oktyabrında başlamağı planlaşdırırdı, kütləvi istehsalı isə 2026-cı ilə planlaşdırırdı. Lakin avtomobil hissələrinin gəlişi dayandığı üçün bu, Texas və Nevadadakı istehsal müəssisələrində planları pozub. Təchizat tərəfindəki bu çətinliklərə baxmayaraq, Tesla proqram təminatı və avtonom sürücülük sahəsində hücuma keçib. Tesla-nın iyun ayında avtonom sürücülük proqramı olan FSD-nin yeni versiyasını təqdim edəcəyi gözlənilir. Elon Musk bildirib ki, Tesla avtomobilləri bu il fabrikdən çıxıb özbaşına evinizə gələcək.
Muskın açıqlaması isə boşuna hesab oluna bilməz. Artıq bir müddətdir ki, fabrikdə tikintisi başa çatan Teslalar ABŞ-dakı istehsal müəssisələrini təkbaşına tərk edərək, müvafiq logistika sahəsinə gedib özlərini park edirlər. Bu səyahət təxminən bir neçə kilometr çəkir. Marşrutda başqa maşınlar və insanlar da olur. Tesla bu addım ilə logistika xərclərini ciddi şəkildə aşağı salaraq gəlirini artırır.
