Kompakt ölçüdə, böyük bir canavar yerləşdirən “canavar” Xiaomi 15 bizə nə təklif edir?
Xiaomi 2024-cü ilin oktyabrında Çində Xiaomi 15 və Xiaomi 15 Pro modelləri təqdim edildi. İkilinin Çində güclü rəğbətlə qarşılanmasının ardınca, indi növbə Azərbaycan bazarına çatıb. Bu il də iki smartfon arasından daha kiçik olanı qlobal bazara yollanır. Seriyanın ən kiçik və ən iddialı modeli olmasına baxmayaraq, Xiaomi 15 tam qabiliyyətli, müasir flaqmandır.
İlk növbədə kompakt olmasından qorxmayın. Lakin Xiaomi həmişə olduğu kimi yenə də trendlərin brendidir. Ona görə ən yeni nəsil texnologiyalarla Xiaomi 15 modelini təchiz ediblər. İndi isə məqaləyə dizaynla başlamaq lazımdır.
Xiaomi 15 modelinə ilk baxış necə təəssürat yaradır?
Xiaomi 15 sələfinin dizaynını daha da təkmilləşdirən “klassik” dizayna malikdir. Nisbətən böyük kamera modulu yaxşı diqqət çəkir və onun daxilində minor toxunuşla dizayn yeniliklər var. Smartfonun çərçivəsi şüşə və arxa qapağa doğru yuvarlaqlaşdırılıb. Beləcə istifadə zamanı daha rahat hiss yaranır. Nisbətən yığcam ölçüsünə baxmayaraq, Xiaomi 15 əlinizdə tutmaq üçün çox erqonomik və xoşdur. Ən əla tərəfi isə baş barmağınızı ekrandakı əsas hissələrə çatmaq üçün çox uzatmaq lazım deyil. Ön tərəfdən Xiaomi 15 demək olar ki, nazik çərçivələrə və mərkəzə yerləşdirilmiş orta ölçülü selfi kamerasına malikdir.
Arxa şüşə səthi tutqundur. Barmaq izlərini və ya yağları asanlıqla götürmür, bu yaxşı bir şeydir. Rəng seçimlərinin əksəriyyəti çox ağır üslubludur və istənilən mühitə, hətta biznes mühitli insanlar üçün mükəmməl uyğunlaşacaq.
Smartfonun ön hissəsində işıq və yaxınlıq sensorları var, həmçinin onlar ekranın altında gizlənib. Həmçinin yeni nəsil ultra-səs barmaq izi sensoru da bu ekranın altındadır. Xiaomi 15 həm keyfiyyəti baxımından yüksək səviyyəli telefondur. Demək olar ki, heç bir əyilmə və ya deformasiya edilməsi mümkün olmayan “6M42” əsaslı alüminium ərintisindən hazırlanmışdır. Bu çərçivə sələfi ilə müqayisədə dayanıqlığı 33% daha artırır. Ön paneldə Xiaomi Shield Glass istifadə olunur. Arxa panel əlavə davamlılıq üçün bir növ fiber-şüşə material işlədilib. Smartfon IP68 standartına uyğun olaraq mükəmməl mühafizəyə malikdir və 1,5 metr dərinlikdə suda 30 dəqiqəyə qədər tab gətirə bilir.
Bu dəfə də Xiaomi 15 ekran paneli ilə limitləri hədəf alıb!
Xiaomi 15 modeli 6,36 düymlük displeylə təchiz edilib ki, bu da müasir standartlara görə kifayət qədər yığcam sayıla bilər. 120 Hz yeniləmə tezliyi, 10 bit rəng və Dolby Vision dəstəyi ilə CrystalRes AMOLED panel olduqca premium xüsusiyyətlər bəxş edir. Parlaqlıq baxımından Xiaomi, ekranın pik vəziyyətd 3200 nit-ə qədər çıxa biləcəyini söyləyir.
Maksimum avtomatik parlaqlıq isə 1517 nitdir. Bu, standart vəziyyətdə işləmək üçün olduqca idealdır. Bundan əlavə, Xiaomi 15 istənilən parlaqlıq səviyyəsində DC qaralmanı avtomatik olaraq dəstəkləyir.
Xiaomi 15 LTPO CrystalRes AMOLED panelindən istifadə edir ki, bu da müəyyən tapşırıqlarda daha dəqiq yeniləmə sürətinə nəzarət və daha yaxşı enerji səmərəliliyi deməkdir. Məsələn, ekranda görüntü sabit qaldığı zaman proqram təminatı tezliyi 10 Hz-ə endirir. Bunu çox tez edir və ekrana toxunduqda tezliyi 120Hz-ə qədər artırır. LIPO texnologiyası sayəsində smartfon heyrətamiz 94%-lik ekran-korpus nisbətinə və cəmi 1,38 mm-lik ultranazik çərçivələrə malikdir ki, bu da displey və korpusun dəqiq birləşməsini təmin edir. Xiaomi öz hazırladığı M9 paneli ilə ekranın enerji istehlakını 10% azaltmaqla, daha canlı və dolğun rəng ötürülməsini təmin edir, həmçinin cihazın ümumi effektivliyini artırır.
Bundan əlavə, “Xiaomi 15” “Low Blue Light” (aparat həlli), “Flicker-Free” və “Circadian Friendly” standartları üzrə “TÜV Rheinland” sertifikatına malikdir, həmçinin bütün parlaqlıq səviyyələrində “DC Dimming” texnologiyasını dəstəkləyir ki, bu da uzunmüddətli istifadə zamanı belə komfortlu kontent izlənməsini təmin edir.
Yeni nəsil batareya və ən yüksək performans!
İcmala gələn Xiaomi 15-in qlobal versiyası Çin versiyasında tapılan 5400 mAh batareyadan fərqli olaraq 5240 mAh batareyaya malik kimi göstərilir. Lakin buradakı fərq qlobal bazarda “bəyan edilmiş” tutumun “nominal” tutumdan fərqli olaraq göstərilməsi ilə izah olunur. Xiaomi 15, 90 Vt gücündə HyperCharge texnologiyasını və 50 Vt gücündə simsiz HyperCharge şarj texnologiyasını dəstəkləyən “Xiaomi Surge” batareyası ilə təchiz edilmişdir.
Snapdragon 8 Elite prosessoru əsasında çalışan Xiaomi 15 əvvəlki nəsillərlə müqayisədə prosessorun performansında 45% artımı, enerji istehlakında isə 52% azalmanı, həmçinin qrafik prosessorun performansında 44% artımı və enerji istehlakında 46% azalmanı təmin edir. “Xiaomi IceLoop” soyutma sistemi sayəsində Xiaomi 15 cihazları video yazılışı, hesablama fotoqrafiyası, real zaman rejimində süni intellektdən istifadə və intensiv oyunlar kimi mürəkkəb tapşırıqlarda misilsiz sərbəstlik səviyyəsinə çatır. İnnovativ konstruksiyasına əsaslanan soyutma sistemi çərçivə ilə təması yaxşılaşdırır və cihazın temperaturunu effektiv şəkildə azaldır.
Snapdragon 8 Elite 12 GB LPDDR5X operativ yaddaş və 256 və ya 512 GB genişləndirilə bilməyən UFS 4.0 yaddaşı ilə müşayiət olunur. Təəssüf ki, cihazın qlobal versiyasında 16 GB RAM və ya 1 TB yaddaş seçimi yoxdur.
Xiaomi 15 modeli “kompakt” cihazda güclü kamera xüsusiyyətləri gətirir
Əsas kamera gündüz saatlarında flaqman səviyyəli fotoşəkil keyfiyyəti təklif edir. Kəskinlik, incə detallar, geniş dinamik diapazon, dəqiq rəng bərpası, nə axtarsanız var. 23, 28, 35 mm fokus məsafəsində Yüksək dinamikliyə malik “Light Fusion 900” 50MP əsas, yenə 50MP sensorlu 60 mm telefoto və 50-lik üçlüyü tamamlayan 14 mm-ə bərabər LEICA obyektivlə ultra-geniş bucaqlı kamera konfiqurasiyamız mövcuddur. Yüksək dəqiqlikli ani çəkilişlər üçün 0,6 sanyədə kadr tutan “Fastshot” rejimi, “Xiaomi Master Videography” ilə 4K 60fps-lik Dolby Vision əsaslı studiya səviyyəli peşəkar videoçəkiliş, istəsəniz hətta 8K çəkiliş və üstəlik 4 mikrofondan səsinizi qeydə alan kinematoqrafik imkanlar Xiaomi 15-də birləşib.
Keçən ilki Xiaomi 14-dən fərqli olaraq, əsas kamera sensoru indi 2x rəqəmsal böyütməni olduqca yaxşı idarə edir. Fotoşəkillər həqiqətən yaxşı kəskinliyə və kontrasta malikdir, süni emalın aşkar əlamətləri yoxdur.
Bəli, yeni telefoto kamera keçən ilki model qədər böyütmür və indi 60 mm-lik ekvivalent obyektivə malikdir. Ancaq bu, mütləq pis bir şey deyil. Müsbət tərəfi, sensor Samsung ISOCELL JN1-dən JN5-ə qədər təkmilləşdirilmişdir. Xiaomi 15-dəki telefoto obyektiv əla detallar, yüksək kontrast və dinamik diapazonla əla fotoşəkillər çəkir. Rənglər də əla görünür və əsas kameranın rəngləri ilə yaxşı uyğunlaşır.
Telefoto obyektivindən istifadə edən xüsusi bir makro rejimi var. Bu, diqqətinizi obyektinizə yaxınlaşdırmağa imkan vermir (minimum məsafə təxminən 10 sm-dir), lakin yenə də makro fotoqrafiya ilə əla iş görür. Portret çəkilişləri Xiaomi 15-in əsas kamerası və telefoto kamerasından istifadə etməklə aparıla bilər. Ultra geniş kamera ilə çəkilmiş fotoşəkillər pis deyil. Lakin biraz daha təkmilləşdirmə etməyə ehtiyac var.
Xiaomi 15-in selfi kamerası yaxşı şəkillər çəkir. Çox gözəl dəri tonları və yaxşı dinamik diapazon əldə edirsiniz. 32 MP fotoşəkillər bir qədər böyükdür və yüksək təsvir ölçüsü ilə kəskinlik yüksək olur. Qaranlıqda birləşən piksellər 8MP təsvir ölçüsünə qədər dəyişən fotoşəkillərə çevrilir.
Xiaomi 15 gecə rejimi ilə yaxşı iş görür və tez-tez istifadə üçün ağlınıza gələcəkdir. Detal səviyyəsi, işıqlandırmaların və işıq mənbələrinin adekvat göstərilməsi xoşdur.
Süni intellekt Xiaomi 15 modelinin də vacib tərəfi olacaq
Ən yeni “Xiaomi HyperOS 2” sistemi ilə çalışan Xiaomi 15 seriyası 3 əsas texnoloji innovasiyanı təqdim edir: “Xiaomi HyperCore”, “Xiaomi HyperConnect” və “Xiaomi HyperAI”. Bu texnologiyalar daha geniş funksionallıq, rəvan çalışan sistem, platformalararası qarşılıqlı əlaqə, daha yüksək təhlükəsizlik və məxfilik sayəsində, həmçinin performansı yüksəltmək üçün süni intellektin qabaqcıl alətlərinə və AI həllərinə çıxışı təmin etməklə istifadəçilərə daha yaxşı mobil təcrübə imkanı təqdim edir.
“Xiaomi HyperAI” süni intellekt əsaslı güclü alətlər dəsti sayəsində istifadəçilərin performansını və yaradıcılıq potensialını artırır. Bunlara AI-avtoyazı və AI-səstanıma kimi funksiyalar, həmçinin effektivliyi artırmağa xidmət edən bir sıra digər həllər daxildir.
İstifadəçilərə yaradıcılıq potensiallarını açmağa kömək etmək üçün AI-yaradıcılıq assistenti yeni nəsil foto və videoçəkiliş alətləri təklif edir. Bunlara AI-təsvirin yaxşılaşdırılması, AI-təsvirin genişləndirilməsi, AI-pozan Pro, AI-əksetdirmənin silinməsi, AI-Səma dəyişdirmə və AI-Film daxildir. Bu texnologiyalar asanlıqla və tez bir şəkildə peşəkar keyfiyyətli şəkillər və videolar əldə etməyə imkan verir.
“Google” və “Xiaomi” şirkətlərinin əməkdaşlığı nəticəsində “Google Gemini” indi “Xiaomi” tətbiqlərində axtarış apara və əməliyyatlar yerinə yetirə bilir. Bu əməkdaşlıq çərçivəsində ilk dəfə olaraq istifadəçilərə “Gemini” vasitəsilə “Xiaomi Notes”, “Xiaomi Calendar” və “Xiaomi Clock”a birbaşa giriş imkanı təqdim olunur.
“Xiaomi HyperOS 2”nin əsasını “Xiaomi HyperCore” texnologiyası təşkil edir. Bu özəl texnoloji platforma sistemin maksimum rəvan fəaliyyətini, performansını, sistem səviyyəsində tətbiq yeniləmələrini və s. təmin edir. “Xiaomi HyperCore”un yenilənmiş estetikası kinematoqrafik elementlərdən ilhamlanaraq yenilənmiş şablonlara və üslublara malik yeni kilid ekranı dizaynını əhatə edir. Təkmilləşdirilmiş qrafik altsistem yeni animasiyaları dəstəkləyir, yenidən işlənmiş əsas ekran isə istifadəçilərə daha axıcı və eleqant qarşılıqlı əlaqə təcrübəsi təklif edir.
“Xiaomi HyperConnect” cihazlar, platformalar və ekosistemlər, o cümlədən planşetlər və iOS/macOS platformaları arasındakı sərhədləri aradan qaldırır. Yeni “Cross-device Camera” funksiyası istifadəçilərə başqa bir cihazın kamerasına qoşulmağa, lakin eyni zamanda Xiaomi 15 seriyasının təmin etdiyi müstəsna təsvir emalı keyfiyyətini qoruyub saxlamağa imkan verir.
Bundan əlavə, “Combined Cameras” funksiyası bir neçə cihazdan video axınlarını birləşdirməyə və onları bir ekranda göstərməyə imkan verir ki, bu da canlı tədbirlərin, mühazirələrin və ya təlim videolarının çəkilişi üçün xüsusilə faydalıdır.
Xülasə, bu cihaz kimlər üçündür?
Xiaomi 15, Xiaomi 14 modelindən sonra iterativ bir təkmilləşmədir. Fikrimizcə, ən əhəmiyyətli dəyişiklik nəzərəçarpacaq dərəcədə böyük olan batareyadır. Yeni Snapdragon 8 Elite çipsetinə təkmilləşdirmə, əlbəttə ki, bu kombinasiyanı həm enerji sərfiyyatı, həm performans baxımından mükəmməl edir. Kameradakı dəyişikliklər olduqca kiçikdir.. Yenə də bu, nisbətən yığcam telefonda əldə edə biləcəyiniz ən yaxşı və ən çox funksiyalı kamera paketlərindən biridir. Həmçinin Xiaomi 15 kompakt, lakin daha dayanıqlıdır. Dizaynı cihazın möhkəm və davamlı olması üçün düşünülüb.
Xiaomi 15 12 GB + 512 GB yaddaş variantı ilə ağ, yaşıl və qara rənglərdə təklif olunur. Rəsmi alışda 1999 AZN-dən başlayan qiymətlərlə yalnız martın 21-dən 31-dək “Xiaomi 15” smartfonu alarkən hədiyyə olaraq “Xiaomi Watch S3” smart-saatı da təklif olunacaq.
