Qlobal texnologiya brendi TECNO Mobile, yeni SPARK 30 seriyasını rəsmi olaraq Azərbaycan bazarı üçün təqdim etdi.
Tədbir çərçivəsində keçirilən “Android-in Gələcəyi” mövzusunda panel müzakirəsi, mobil texnologiyaların inkişafı və istifadəçi təcrübəsinin yeni mərhələlərinə dair maraqlı fikirlər və dəyərli müzakirələrlə yadda qaldı.
Yeni TECNO SPARK 30 seriyası, innovativ texnologiyalar və özünəməxsus dizayn ilə bazara təqdim olundu. Ən müasir Android ekosisteminə xas yeniliklər ilə təchiz olunmuş cihazlar, AI ilə təkmilləşdirilmiş kamera, güclü prosessor, uzunömürlü batareya və süni intellekt imkanları ilə seçilir. TECNO SPARK 30, istifadəçilərə orta seqmentə xas performans və fərqli təcrübə vəd edir.
Tədbirdə ilk növbədə Tariyel Ağazadənin təqdimatında TECNO SPARK 30 seriyası ilə yaxından tanış olduq. Tədbirin əsas məqamlarından biri olan panel müzakirəsində aparıcı ekspertlər və peşəkarlar Android platformasının gələcək inkişaf tendensiyalarını müzakirə etdilər. Moderator Bəxtiyar Həsənovun rəhbərliyi ilə keçirilən müzakirədə panelistlər aşağıdakı mövzularda fikirlərini bölüşdülər:
- – Ramin Nəcəfov, TECNO Mobile-un Marketinq rəhbəri olaraq, Android istifadəçi təcrübəsinin yaxşılaşdırılması üçün TECNO-nun həyata keçirdiyi yeniliklər və fərqli yanaşmalar barədə danışdı.
- – Vüsal Yusifli, elmi-kütləvi bloqer kimi, süni intellekt və maşın öyrənməsinin foto və video çəkiliş imkanlarına təsirindən və bunun gündəlik istifadəçilər üçün əhəmiyyətindən bəhs etdi.
- – Səttar Hümmətli, Senior Mobile Engineer olaraq, Android platformasında süni intellekt ekosistemi və təhlükəsizlik sahəsində yeni texnoloji həllərlə bağlı dəyərli biliklərini bölüşdü.
- – Tariyel Ağazadə, innovasiya üzrə ekspert kimi, gələcəkdə Android ekosistemində gözlənilən yenilikləri və təhlükəsizlik məsələlərinin həlli yollarını açıqladı.
TECNO Mobile, Android ekosistemindəki mövqeyini daha da gücləndirərək, innovativ məhsulları ilə istifadəçilərə yüksək səviyyəli təcrübələr təqdim etməyi hədəfləyir. Yeni SPARK 30 seriyası, TECNO-nun qlobal texnologiya bazarında dayanıqlı inkişaf strategiyasının əsas addımlarından biridir.
Qeyd edək ki, TECNO SPARK 30 seriyası barədə daha ətraflı saytımızdakı məqalədən məlumat ala bilərsiniz.
