Dünyanın ən prestijli xüsusi motosiklet istehsalçılarından biri olan Maxwell Hazan, artıq alışdığımız dizaynların sərhədini aşaraq yeniliyə imza atıb. Belə ki, Daha əvvəl sənət qalereyalarına layiq retro motosikletləri ilə adından söz etdirən Hazan indi avtomobil dünyasının əfsanələrindən olan Ferrari F355-in V8 mühərrikini motosikletə inteqrasiya edir. Əslində yeni ortaya çıxan bu motosiklet sözün əsl mənasında mühəndislik əsəri ünvanına layiqdir.
Hazan 2012-ci ildən fərdi motosikletlər dizayn edir və milyarder kolleksiyaçı Bobby Haas və məşhur aktyor Ceyson Momoa kimi adlar üçün motosikletlər düzəldib. Bununla belə, onun yeni layihəsi olan “HF355” Hazanın karyerasında ən iddialı addım ola bilər. Hazan bu dəfə, klassik dizayn xətlərindən uzaqlaşaraq 3,5 litrlik Ferrari V8 mühərrikini əldəqayırma motosiklet şassisinə yerləşdirməyi bacarıb. 1994-1999-cu illər arasında istehsal edilən Ferrari F355 mühərriki 375 at gücü ilə bir dövrə damğasını vurub. Ferrari’nin normal olaraq bu mühərriklə əldə etdiyi maksimum sürət 295 km/saat civarında olsa da, bu gücün Hazanın ultra yüngül motosiklet şassisi ilə necə performansa çevriləcəyi artıq maraq doğurur.
Qeyd edək ki, HF355-in ümumi çəkisi 226 kq-a yaxındır. Bu isə super idman avtomobil mühərriki olan bir motosiklet üçün kifayət qədər iddialı rəqəmdir. Motosiklet hazırda sınaq və mühərrikin xəritələşdirilməsi mərhələsindədir. Son yazılara görə, HF355 ters çevrilmiş çəngəlli ön asqı, yerə endirilən sükan, xüsusi əyləc sistemləri, SC Project egzozu və qalın arxa yarış təkəri kimi yüksək səviyyəli hissələrə malikdir. Qalan işlərə kuzovun dizaynı, alət paneli və erqonomik detallar daxildir. Hazan bu motosikletə sənət əsəri kimi baxmaqdansa, onu həqiqətən istifadə oluna bilən və performansa yönəlmiş maşın kimi təqdim edir.
