Çin texnologiya nəhəngi Xiaomi tərəfindən 2024-cü ilin martında təqdim edilən SU7 təhlükəsizlik xüsusiyyətlərinə görə təriflənmişdi. Lakin bununla belə, Xiaomi-nin SU7 elektromobili ilk dəfə ölümcül bir qəzanın əsas qəhrəmanı olub. Üç qadın universitet tələbəsinin həyatını itirdiyi qəza dərhal avtomobil təhlükəsizliyi ilə bağlı müzakirələri alovlandırıb.
Qəza 2025-ci il martın 29-da saat 22:44 radələrində Çinin Anhui əyalətinin Dezhou-Şanqrao magistralında baş verib. İlkin məlumata görə, toqquşmadan sonra avtomobil yanıb və qapıları aça bilməyib. Sərnişinlərin içəridə sıxıldığı və qaça bilməyəcəyi iddia edilib. Bu iddialar avtomobilin təhlükəsizlik sistemləri ilə bağlı ciddi narahatlıqlara səbəb olub. Xiaomi, artan narahatlıqlar fonunda aprelin 1-də baş verən hadisə ilə bağlı ətraflı açıqlama verib. Şirkət qəza ilə bağlı əldə etdiyi avtomobil məlumatlarını polislə bölüşüb və hadisənin texniki baxışını təqdim edib. Rəsmi açıqlamaya görə, qəzaya uğrayan avtomobil SU7-nin standart versiyası olub və NOA (Naviqasiya Assisted Autopilot) rejimində 116 km/saat sürətlə hərəkət edirdi.
Maşın tikinti zonasına yaxınlaşarkən zolağın maneələrlə bağlandığını və hərəkətin qarşı zolağa yönəldiyini müəyyən edib. Xəbərdarlıq edib və yavaşlamağa başlayıb. Lakin sürücü bu anda idarəetməni ələ keçirərək əyləci basıb və sükanı çevirib. Təəssüf ki, avtomobil təxminən 60 mil (97 km/saat) sürətlə beton dirəyə çırpılaraq alovlanıb. Toqquşmadan dərhal sonra Xiaomi-nin təcili yardım sistemi avtomatik işə salınıb. Şirkət avtomobilin qeydiyyatdan keçmiş sahibi ilə əlaqə saxlayıb və həmin vaxt onun başqası tərəfindən istifadə edildiyini təsdiqləyib. Təcili zənglər edilib və qruplar saat 23:00 radələrində hadisə yerinə gəliblər. Xiaomi qapıların kilidləndiyi və açıla bilmədiyi iddialarına da aydınlıq gətirib. Xiaomi rəsmiləri bildirdilər ki, avtomobilin dörd qapısının hamısında mexaniki təcili açılış tutacaqları var. Bu tutacaqlar hər bir qapının saxlama bölməsində yerləşir və batareya zədələnsə belə qapıları aça bilər. Ən böyük ehtimal, avtomobildəki sərnişinlər və sürücünün mexaniki qapı qolu olduğunu bilməməsidir. Elektron qapı qulplarını istifadə edən insanlar avtomobildə ikinci bir mexaniki qapı olduğunu bilmədiyi hallarda elektrik sisteminin deaktiv olduğu vəziyyətdə qapıları aça bilmirlər.
Avtomobilin “qara qutusu” hər şeyi bu cür qeydə alıb:
22: 27: 17 – NOA rejimi aktivləşdirilib, sürət 116 km/saatdır
22: 28: 17 – sürücünün diqqətinin yolda olmadığı xəbərdarlığı
22: 36: 48 – sükanı tutun xəbərdarlığı
22: 44: 24 – maneə xəbərdarlığı: “qarşıda bir maneə var, diqqətli olun”
22: 44: 25 – sürücü nəzarəti ələ alır, sükan 22.0625 dərəcə sola çevrilir, əyləc basılır (31%)
22: 44: 26 – sükan 1.0625 dərəcə sağa dönür, əyləc gücü artdı (38%)
22: 44: 26-28 – avtomobil beton baryerə çırpıldı
22: 44: 28 – təcili zəng sistemi (eCall) aktivləşdirildi
22: 44-39 – təcili zəng mərkəzi ilə əlaqə quruldu
22: 45: 06 – nəqliyyat vasitəsinin sahibi ilə əlaqə saxlanır, sürücünün başqa şəxs olduğunu təsdiqlədilər
22: 47: 15 – təcili yardım briqadaları göndərildi
Təxminən 23-00 – təcili yardım qrupları hadisə yerinə gəlir
