Bu vaxt qədər icmal etdiyimiz ən yaxşı telefonlar siyahısında HONOR Magic6 Pro ən üst yerlərdə idi. Əlbəttə ki, onun varisi kimi HONOR Magic7 Pro bazardadırsa, artıq üst yerlərdə olan yeni bir HONOR var deməkdir. Gəlin görək, yenilənmiş model hansı təkmilləşdirmələr gətirir?
Düz 10 il əvvəl başlayan əyri ekran inqilabından sonra sənaye nəhəngləri yenidən hədəfləri dəyişmiş kimi görünür. Bu yaxınlarda çıxmış fərqli Android ekosisteminə məxsus cihazlarda belə düz ekrana keçid edilməsi bu tendesiyanın nə qədər gücləndiyini göstərdi. Bu tendensiyanı təqib edən ən son cihaz, demək olar ki, ekran əyrilərini tam tərk etmədən qabarıq düz ekrana sahib HONOR Magic7 Pro-dur.
HONOR Magic7 Pro-nun daha düz ekranı cihazı əvvəlki nəsildən bir qədər geniş edir. 77,1 mm-ə qarşı 75,8 mm-dən olan bir yüksəltmə görürük. HONOR Magic7 Pro ilk baxışdan Magic6 Pro-nu xatırladan, “flaqman” trendlərini nəzərə alaraq xeyli dəyişir. Smartfonu artıq əldə tutmaq daha rahatdır. Çünki, yan çərçivələrimiz artıq hər tərəfdən bərabər qalınlıqdadır. Belə olmuşkən, ekranın yan tərəfdən həddindən artıq “qıvrılması” da yığışdırılıb və yeni ekran daha az ekran əyrilərinə malikdir. Beləliklə, daha düz kənarlar və panel çərçivəsini dəyişdirərək onu nəzərə çarpacaq dərəcədə daha geniş və bucaqlı edir.
Elə ekrandan başlayıb, ekrandan içəri keçərək davam etmək istəyirəm. Çünki, həm Android ekosistemində iPhone ilə eyni prinsipli yeganə funksional “kapsullardan” birinə və eyni səviyyəli təhlükəsizlik prinsipi üçün ultrasəs barmaq izi sensoruna sahib bazardakı bəlkə də yeganə flaqmandan söhbət gedir. Rəqiblərdə üz ilə kilid açma sadəcə görüntü, “kamera” əsaslı olduğundan əlverişsiz, qaranlıq işləməyən həll ortaya çıxır. Lakin HONOR Magic7 Pro-dakı 3D sensor istənilən şəraitdə üz ilə kilidi açır. Ultrasəs sensor isə, elə Magic6 Pro-dakı ənənəvi optik sensor ilə müqayisədə artıq barmaq izinizin “dərinliyini” ölçərək sizin, əsl siz olduğunuzu anlayır. Optik sensor sadəcə sadə şəkildə desək barmağınızın görüntüsünü çəkməklə işləyirdi.
Gövdəmiz aluminiumdur, ekran üzərində normal şüşədən 10 qat daha dayanıqlı HONOR istehsalı NanoCrystal Shield şüşə, suda 1,5 metrə qədərgücləndirilmiş dayanıqlıq üçün IP68/IP69 standartını almış, lakin 80 dərəcəyə qədər temperaturda təzyiqli suya dözən bir cihazdan söhbət gedir.
Nəhayət ekranın özünə gəldikdə ekranımız yenə bir HONOR üçün gözlənilən qədər zirvədədir. 6,8 düymlük 1.6K OLED panel 1-120Hz arası adaptiv tezliyə, 4320Hz PWM qarartma texnologiyasına və ekstremal hallar üçün 5000 nitə çıxan pik parlaqlığa sahibdir. HONOR-un bu ekranının ən sevdiyim xüsusiyyəti gecə qaranlıqda işlədirsinizsə parlaqlığını tam 1-2 nitə qədər azalda bilməsidir. Həm gözünüz, həm cihazın şarjı üçün fikrimcə bu imkan hər flaqman cihazda olmalı xüsusiyyətdir.
Normal halda pik parlaqlıq tələb etməsəniz ən yüksək çıxdığınız parlaqlıq 1500 nitdir. Həmçinin, HONOR Magic7 Pro-nun sahib olduğu Eye Comfort texnologiyası haqqında da bir neçə sətir qeyd etmək lazımdır. Xüsusilə göz sağlamlığına böyük əhəmiyyət verən Çində bu məsələlər böyük bir narahatlıq olaraq görülür.
Cihaz bir nöqtə mənbəyindən gələn təbii işığı dairəvi polarizasiya və qütbləşməyə çevirərək yumşaldır və təqlid edir. Digər maraqlı texnologiya, müəyyən ekran məzmunlarını tənzimləmək və görüntüləri tor qişanın qabağına bir qədər proyeksiya etməklə fokusdan kənar linzaların təsirini simulyasiya edən AI Defocusdur. Bu, miyopiya problemləri üçün profilaktik tədbir hesab olunur.
Bu xüsusiyyətlər yüksək dərəcədə ixtisaslaşmışdır və həm laboratoriya, həm də real dünya şəraitində sınaqdan keçirmək çətindir. Ancaq telefonunuza saatlarla baxdığınız bir dünyada göz sağlamlığınızı qorumaq üçün hər cür səyi qiymətləndiririk.
HONOR Magic7 Pro-nun arxasında biri dərinlik ölçülməsinə ayrılmış sensor olmaqla, ümumilikdə 3 fərqli kamera var. Əsas kameramız HONOR tərəfindən təkmilləşdirilən Super Dynamic Falcon seriyalı 50MP sensordur. Təqribi 24 mm-lik obyektivə bərabər əsas kamera olduqca yüksək dinamik aralığa malik nəticələr ortaya qoyur. Əsas məsələ “periskopik-telefoto” kameranın yüksək təsvir ölçüsündədir. Çünki, cihaz ISOCELL-in HP9 sensoruna əsaslanan 200MP-lik böyük təsvir ölçüsü ilə 3 qat optik yaxınlaşdırmanı dəstəkləyir. Yəni təqribi 72 mm-lik bir obyektivlə çəkmişcəsinə xam halı 200MP olan foto əldə edirsiniz. 50MP ultra-geniş kamera da tam 12mm-ə bərabər olduqca geniş və yüksək təsvir ölçülü görüntülər yaradır. Ən sevdiyim tərəfi selfi kamerasının da çox keyfiyyətli olmasıdır. 50MP-dir və baxış bucağı olduqca genişdir.
Digər bütün hallar üçün AI əsas rolu oynayır. 30x-dan başlayaraq AI təsirini rahatlıqla müşahidə etmək mümkündür. 10bit video çəkilişləri ilə peşəkar məqsədlərə də uyğun bu cihaz əsas kamerada dinamik diafraqmaya, həmçinin əsas və telefoto obyektivlərində OIS əsaslı sabitləməyə malikdir. Harcourt Portre rejimi yenə öz qaydasında peşəkar fotolar çəkmək üçün hazırdır. Hətta, Camera Falcon kimi xatırladığımız “salisəlik” anları ən yüksək dəqiqlikdə qeydə alma bacarığına qədər hər bir imkan bu cihazda yerləşir.
Gecə çəkilişləri təbii tonlar və qeyri-təbii həddindən artıq doymanın qarşısını alan yaxşı balanslaşdırılmış kontrastla əladır. İşıq mənbələri bəzən halolar yaratsa da, ümumilikdə nəticələr öz gözlərimizlə gördüklərimizə çox oxşardır.
Bəzi telefonlarda olmayan əsas üstünlüklərdən biri əsas və ultra geniş kameralar arasında rəng tonunun uyğunluğunun olmamasıdı. Bu, sensorlar arasında ardıcıl şəkilləri təmin edir. Otik təhriflər də yoxdur. Alqoritmlər bu təhrifləri aradan qaldırmaq üçün olduqca yaxşı iş görür.
HONOR performans və stabillik olduqda MagicOS ilə müzakirəsiz çox yaxşıdır. 5 il Android yeniləməsi və 6 il təhlükəsizlik yeniləməsi belə alacaq cihaz Snapdragon 8 Elite prosessoruna sahibdir. Bu prosessor xüsusilə cihazın süni intellekt əsaslı imkanları ilə birləşdikdə çox güclü bir həllə çevrilir. Daxili AI imkanlarını, Google Gemini ilə birləşdirən Magic7 Pro modeli, Magic Portal ilə istər tətbiqlər üzərində, Deepfake Detection ilə istər canlı görüşlərdə, istər Magic Eraser ilə çəkdiyiniz və redaktə etmək istədiyiniz fotolarda və Google Gemini ilə Android ekosistemində hər bir Sİ imkanını sizə gətirir.
Magic7 Pro modeli 100W sürətli şarj adapteri ilə gəlir ki, 5850 mAs sektorun ən müasir silikon-karbon texnologiyalı bu batareyasını doldurmaq üçün sizə təqribi 30-35 dəqiqə lazımdır. Həmçinin, 80W naqilsiz şarjı da dəstəkləyən Magic7 Pro həm enerji, həm performans tələbini ödəmək üçün silikon-karbon batareyanı E2 adlı xüsusi çiplə idarə edir.
HONOR Magic 6 Pro-nun başqa bir əla xüsusiyyəti onun stereo dinamik sistemi idi. Eyni ilə Magic7 Pro-nun audio sistemi də əladır, bəlkə də öz sinfinin ən yaxşılarından biridir. Stereo dinamiklər xüsusi bir Bluetooth dinamiklərə bənzər təsir edici dərəcədə yüksək səs verir.
Hətta yüksək səs səviyyəsində demək olar ki, heç bir harmonik təhrif yoxdur. Bass bu ölçüdə bir telefon üçün təəccüblü dərəcədə yaxşıdır. Sanki, HONOR-un RSR versiyası kimi xüsusi sabvuferə malikdir. Nə olursa olsun, bu, sınaqdan keçirdiyimiz ən yüksək səsli və ən yaxşı səslənən telefonlardan biridir, ona görə də səs keyfiyyətinin bu səviyyəsinə nail olub saxlamağı təqdirəlayiq haldır. Gözlənildiyi kimi, 3,5 mm qulaqlıq girişi yoxdur, ona görə də simsiz qulaqlıqlar və ya simli qulaqlıqlar üçün adapter istifadə etməlisiniz. Vibrasiya mühərriki güclü, aydın və dəqiqdir. Bu, bazarda ən güclü haptik sistem olmaya bilər, lakin effektivdir və siz bunu telefonun gövdəsi vasitəsilə hiss edə bilərsiniz.
Nəticədə, HONOR Magic7 Pro digər Android cihazlardan fərqli bir təcrübədir. Forma və dizaynın fərdiliyi, MagicOS-in standart Android kimi hiss etdirməyib, Android və iOS arasında kəsişmə axtaranlara xas təkmilləşməsi, unikal təcrübə ilə yanaşı, böyük batareya ömrü və keyfiyyətli ekrana malik smartfon kimi əla seçimdir.
Kampaniya barədə
Satışda həmçinin standart versiya HONOR Magic 7 modelinin 12GB-256GB versiyasını 2199.99 manatdan, üç rəng seçimi ilə Black, White, Grey əldə edə bilərsiniz. HONOR Magic7 Pro modeli isə 12GB-512GB versiyası ilə 2699.99 manatdan yenə, üç rəng seçimi ilə Black, Breeze Blue, Lunar Shadow Grey olmaqla alıcılarına təklif olunur. Satış zamanı 7 martdan, 31 marta qədər hər iki model üçün HONOR Pad X9 planşeti hədiyyə veriləcək.
