Onlayn oyunlarda toksiklik, tərtibatçıların onilliklər ərzində mübarizə aparmağa çalışdıqları ən böyük problemlərdən biridir. Lakin bu problemin uzun müddətdir ki, öz həllini tapa bilməsi oyun tərtibatçılarının qorxulu yuxusuna çevrilib. Ümumiyyətlə, araşdırmalar göstərir ki, onlayn oyunlarda meydana gələn toksiklik təkcə oyunçulara deyil, tərtibatçılara da təsir göstərir. Belə ki, Rachel Covert aparılan araşdırmaya görə onlayn oyunlarda toksikliyin azaldılması tərtibatçıların gəlirini artırır.
Qeyd edək ki, Rachel Covert-in onlayn oyunlarda toksiklik və mənfəət arasındakı əlaqəyə dair araşdırması Take this portalında dərc olunub. Araşdırmada Şimali Amerikadan olan 23 mindən çox gənc və yetkin yaşda oyunçu iştirak edib. Nəticədə isə məlum olub ki, insanlar daha az toksik oyunçularla qarşılaşdıqları oyunlara daha çox pul xərcləməyə üstünlük verirlər. Məsələn, oyunçular “toksik” oyunlara ayda orta hesabla 12,09 dollar, daha “dost canlısı” oyunlara isə 21.1 dollar xərcləyirlər. Bu isə yekunda onlayn oyunlarda toksikliyin azaldılması tərtibatçıların gəlirini artırır qənaətinə gəlməyə imkan verir.
Onlayn oyunlar üçün süni intellekt moderatoru yaradan ToxMod şirkəti qeyd edib ki, tokisiklik edən oyunçulara qadağa qoyulduqdan və bu cür davranışların bloklanmasından sonra oyunçuların orta sayı cəmi üç gündə 6,3%, bir ayda isə 27,9% artıb. Bir çox məşhur oyunun da bir müddət keçdikdən sonra artıq oyun həvəskarları tərəfindən ikinci plana atılmasının əsas səbəblərindən biri də oyunçuların toksik olmasıdır.
