Interpol 34 ölkədə həyata keçirdiyi kütləvi əməliyyat nəticəsində 3500 hakeri yaxalayıb və 300 milyon dollar müsadirə edib. Beynəlxalq polis təşkilatı olaraq tanınan Interpol kibercinayətlara qarşı bu ilin ən böyük əməliyyatlarından birini keçirib. 34 fərqli ölkədə eyni vaxtda həyata keçirilən Haechi IV adlı əməliyyatda 80 mindən çox şübhəli bank hesabı bağlanıb. Bundan əlavə, bu ölkələrin dövlət rəsmilərinə süni intellekt və saxta NFT-lərdən istifadə etməklə dələduzluq üsullarına qarşı xəbərdarlıq edilib.
Əməliyyatdan sonra verilən açıqlamada bildirilib ki, “300 milyon dolların ələ keçirilməsi şok edici bir məbləğdir və transmilli mütəşəkkil cinayətkarlığın bugünkü artımının altında yatan stimulu ortaya qoyur”. Interpolun Polis Xidmətləri Departamentinin İcra Müdiri Stephen Kavanagh verdiyi açıqlamada “Bu külli miqdarda qeyri-qanuni sərvət qlobal təhlükəsizliyə ciddi təhlükə yaradır və dünya ölkələrinin iqtisadi sabitliyini pozur” dedi. Ümumiyyətlə son zamanlar artan kiberhücumlar getdikcə daha çox gündəm mövzusu olur. Interpolun məlumatına görə, bu il hücumların sayı iki dəfə artıb. İndi isə Interpol son həyata keçirdiyi əməliyyat ilə 3500 hakeri yaxalayıb.
Qeyd edək ki, kiberhücumlarda əsasən məlumatların sızdırılması məşhurdur. Habelə əməliyyat zamanı yaxalanan şəxslər ümumilikdə investisiya fırıldaqçılığı, biznes e-poçtlarının oğurlanması, elektron ticarət saxtakarlığı kimi cinayətlər törədiblər. Digər məhsul fırıldaq üsulu isə insanların şantaj olunması olub. Bundan əlavə, süni intellektdən istifadə etməklə insanların səslərinin və şəkillərinin təqlid edilməsi ilə bağlı fırıldaqlar kifayət qədər geniş yayılıb. Xüsusilə səs klonlama texnologiyasından çox istifadə edildiyi bildirilib.
