Bundan 13 il əvvəl alimlər müxtəlif xəstəliklərə qarşı effektiv ola biləcəyini düşündükləri bənövşəyi rəngli pomidor hazırlamışdılar. Həmin pomidorun tərkibində antosianin adı antoksidləşdirici tərkibi (zədələnən hüceyrələri qoruyan maddələrdir) ilə zəngin xüsusi maddələr var idi. Bunun üçün alimlər geni dəyişdirilmiş pomidorda Qurdağzı (snapdragon) adlı bitkinin genlərindən istifadə etmişdilər. Böyürtkən kimi meyvələrin sinfinə yaxın olduğunu təqribi deyə biləcəyimiz qurdağzı bitkisi zəngin antosianin tərkibi ilə fərqlənir. ABŞ Kənd Təsərrüfatı Departamenti (USDA) tərəfindən axırıncı dəfə yoxlanılan geni dəyişdirilmiş bənövşəyi pomidor növü 13 illik sınaqların ardıyca yetişdirilməyə uyğun görülüb.
İddialara görə Geni dəyişdirilmiş bənövşəyi pomidor sağlamlığa daha yararlıdır
2008-ci ildən bu yana aparılan elmi sınaqlar zamanı siçanları bu pomidorla yemləyən alimlər, adi siçanlarla müqayisədə geni dəyişdirilmiş bənövşəyi pomidor ilə qidalanan siçanların daha çox yaşadığı ilə qarşılaşıblar. Qeyd edilir ki, bunun səbəbi geni dəyişdirilmiş pomidor daxilində olan antosianinin xəstəliklərin təsirini azaltmasından qaynaqlanır.
Elə qurdağzı bitkisinin genləri ilə də rəngi bənövşəyiyə çevrilən bu pomidor ilk növbədə Amerikada yetişdirilib satışa çıxarılacaq. Digər ölkələrdə bu pomidorun yetişdirilməsi ilə bağlı müəyyən icazələr tələb olunsa da, Amerikada rəsmi olaraq yaxın vaxtlarda əlçatan olan bu pomidor rahatlıqla dünyaya yayıla bilər. İcazələrin sərt olmadığı ölkələrdə bu pomidor növünü böyük bir ehtimalla qarşıdakı illərdə görə bilərik. Norfolk Plant Science komandası, geni dəyişdirilmiş bənövşəyi pomidor toxumlarını əkmək istəyənlərin əlaqə saxlayaraq toxumları əldə edə biləcəyini bildirir.
Antioksidant tərkibi ilə zənginləşdirilmiş bu pomidor eyni zamanda zərərverici riskini də minimuma endirir. Ona görə fermerlərin bu pomidora gələcək illərdə ənənəvi pomidorlar nisbətən daha çox yer verdiyini görə bilərik. Pomidorun dadında və.s dəyişiklik olub-olmadığı məlum deyil. Lakin belə bir dəyişikliyin olduğu bildirilmir.
