Verilən məlumata görə WhatsApp tətbiqinə məşhur WhatsApp Plus tətbiqindən sizlərə tanış olan çox sayda yenilik gəlir. Tətbiqin rəqabət potensialını artırmağa çalışan şirkət, WhatsApp daxilində xüsusiyyətlərin sayını maksimuma çıxarır. Aşağıda bəhs etdiyimiz yeniliklərdən bəziləri müəyyən istifadəçilərin test etməsi üçün artıq yayımlanıb. Bəziləri isə məhz iOS və ya Android əməliyyat sisteminə uyğun beta versiyalarında görülüb. Gəlin, bu yeniliklərdən sizə bəhs etməyə başlayaq.
İlk yenilik WhatsApp tətbiqinə çoxdandır gəlməsi gözlənilən, “mənim üçün sil” düyməsinin geri qayıtmasıdır. Bunun üçün WhatsApp tətbiqi mesajı özünüzdən sildikdən sonra bir neçə saniyə ərzində geri qaytara biləcəyiniz düymə əlavə edib. Bu düymə ilə mesajı geri qaytarıb, təkrar “hamı üçün silə” bilərsiniz.
WhatsApp tətbiqindəki digər bir yeniilik isə “Online” bildirişi ilə bağlıdır. Bundan sonra bu bildirişi istədiyiniz kontaktlar üçün ayrı-ayrı açıb bağlaya biləcəksiniz. Nəticədə tətbiqi heç kimə görünmədən gizli şəkildə rahatlıqla işlədə biləcəksiniz.
Ən maraqlı yeniliklərdən biri isə göndərilən mesajların rahatlıqla redaktə edilə bilməsi olacaq. Eyni telegram tətbiqində olduğu kimi mesajı üzərinə basıb saxladıqda mesajda dəyişiklik etmək üçün xüsusi bir düymə çıxacaq. Düyməyə basıb daxil olduqda mesajın redaktəsi üçün uyğun bölmə açılacaq.
Axtarılan mesajları daha rahat tapmaq üçün isə “tarixə görə axtar” düyməsi əlavə olunacaq. Beləliklə, axtarışla çıxmayan köhnə mesajları, birbaşa xatırladığınız tarixə getməklə görə biləcəksiniz.
Eyni zamanda smartfonun yaddaşında yedəklədiyiniz faylları əllə qovluqlardan axtarmağa ehtiyac olmayacaq. Tətbiqin özündən yedəkləri fayl kimi çıxararaq saxlayıb, daha sonra bu faylı başqa bir smartfona göndərərək mesajlarınızı birbaşa bərpa edə biləcəksiniz. Yeniliklərin tam olaraq nə vaxtdan etibarən əlçatan olacağı naməlumdur. Lakin bu xüsusiyyətlərin bir çoxu WhatsApp Plus tətbiqinin istifadəsini azaltmağa xeyli kömək olacaq. Nəticədə üçüncü tərəf potensial təhlükə mənbəyi hesab edilən qeyri-rəsmi tətbiqdən istifadə edənlərin sayı azala bilər.
