Beləliklə, dünyada Miopiya təhlükəsi sürətlə artmağa davam edir. Alimlərin sözlərinə görə 2050-ci ilə qədər gənclərin yarısı 40%-i təxminən 740 milyonu miopik ola bilər.
Dünya artan Miopiya təhlükəsi ilə üz-üzədir. Qeyd edək ki, Miopiya uzağı aydın görə bilməmək problemidir. Büllur fokuslana bilmədikdə, məsafədə olan obyektləri görmək çətin olur, lakin yaxınlıqda olan obyektləri aydın şəkildə görmək olur. Miopiya görmə qüsurlarından ən geniş yayılanlardan biridir, adətən məktəb yaşlarında özünü göstərir və yetkinlik yaşına qədər artır. Alimlər isə 2050-ci ilə qədər gənclərin əksər hissəsinin miopik ola biləcəyi barədə xəbərdarlıq edir.
Araşdırmaya görə, 1990-2023-cü illərdə 5-19 yaş arası fərdlərdə miyopiya nisbəti 24%-dən 36%-ə yüksəlib. Xüsusilə Yaponiyada uşaq və yeniyetmələrin 86%-i hazırda miopikdir. Paraqvayda isə bu nisbət cəmi 0,84%-dir. Asiyada bu nisbətin 2050-ci ilə qədər 70%-ə çata biləcəyi bildirilir. COVID-19-un təsiri ilə miyopiya nisbətinin artması diqqət çəkir. Pandemiyanın gətirdiyi məhdudiyyətlər səbəbindən bir çox uşaq ekran qarşısında vaxt keçirməli olub. Bu, görmə itkisinə əhəmiyyətli dərəcədə təsir edib. Məsələn, Honq-Konqda aparılan bir araşdırmada 6-8 yaş arasında olan 709 uşaqda miopiyanın sürətli artımı müşahidə olunub. Uşaqlar çöldə kifayət qədər vaxt keçirməsələr, miyopi riski 60%-ə qədər arta bilər. Tədqiqatçılar gənc yaşda formal təhsil təcrübələrinin başlamasının miopiya nisbətinə təsir edə biləcəyini qeyd edirlər. Məsələn, Sinqapur və Honq Konqda uşaqlar iki və ya üç yaşında təhsil proqramlarına qoşulurlar. Bununla belə, Afrikada uşaq və yeniyetmələr arasında miopiyanın dərəcəsi Asiyada olduğundan yeddi dəfə aşağıdır.
