Avtomobil, smartfon və digər elektron cihaz istehsalçıları son dövrlərdə sensorlu ekranlardan imtina edərək fiziki düymələrə üstünlük verməyə başlayıblar. Mütəxəssislər iddia edirlər ki, sensor ekranlı smartfon texnologiyasının geniş yayılması onun istifadəçi rahatlığından çox aşağı xərcləri ilə bağlıdır. Belə ki, aparılan araşdırmaya görə texnologiyada müasirliyin simvolu hesab olunan sensorlu ekranlar istifadəçiləri hiddətləndirir.
Son illərdə müxtəlif cihazlarda sensorlu ekranların populyarlığı artdıqca, bir çox böyük texnologiya şirkəti ənənəvi idarəetmə üsullarına qayıtmağa başlayır. Belə ki, Britaniyanın “Daily Mail” mənbəsinin vurğuladığı kimi, sensor ekran texnologiyalarına keçid müasir həllərə doğru bir addım kimi qəbul edilir, lakin bu transformasiya istifadəçi təcrübəsini yaxşılaşdırmaq istəyi ilə bağlıdır. Tədqiqatçıların fikrincə, sensor ekranlar o qədər ucuz varianta çevrilib ki, onlar hər yerdə, hətta aidiyyatı olmayan yerlərdə belə istifadə olunur. Avropa-nın müstəqil münaqişə təhlükəsizliyi komitəsinin strateji inkişaf direktoru Matthew Avery bildirir ki, “Sensor ekranların həddindən artıq istifadəsi sənayedə böyük bir problemdir. Sürücülər gözlərini yoldan ayırmaq məcburiyyətində qalır və bu da qəza risklərini artırır”.
Müştərilərdən gələn çoxlu şikayətlər bir çox şirkətləri bu məsələ ilə bağlı strategiyalarını yenidən nəzərdən keçirməyə məcbur edib. Avtomobil nəhəngləri Volkswagen və BMW, kondisioner sistemi və digər vacib funksiyaları idarə etmək üçün fiziki düymələrdən əlavə olaraq səsli köməkçidən də istifadə edərək sürücülərin diqqətini yoldan ayırmamasına çalışır. Minimalizm və senser ekran texnologiyasına sadiqliyi ilə tanınan Apple belə, fiziki düymələrə ehtiyac olduğunu düşünür. Məsələn, ABŞ mərkəzli brend yeni iPhone 16 seriyasına əlavə bir düymə əlavə edib. Hətta, analitiklərə görə Apple yeni seriyasında fiziki düymələrə daha çox diqqət ayıracaq.
