Son dövrlərdə alimlərin texnologiya sahəsindəki yenilikləri hərkəsi heyrətləndirir. Ötən günlərdə Biotexnoloji startap olan Cortical Labs-ın alimləri labaratoriyada insan beyninin hüceyrələrinin populyasiyasını və ya başqa sözlə mini beyin yetişdirib, ona Pong oynamağı öyrədiblər. Tədqiqatçılar ilk dəfə olaraq süni beynin konkret tapşırıqları yerinə yetirmək üçün hazırlana biləcəyini göstərdiklərini bildiriblər.
Süni Beyin Pong oyunu oynayıb
800 min hüceyrədən ibarət populyasiya DishBrain adlandırılıb və kompüter oyunu olan Pong ilə işləyən sistemə qoşulub. Neyronlara göndərilən elektrik impulsları topun oyundakı mövqeyini göstərib və hüceyrələr daxil olan məlumatlardan asılı olaraq virtual kürəyi yuxarı və aşağı hərəkət etdirib. Mini beyin , top avatara dəydikdə güclü əks-əlaqə qurub. Alimlər vurğulayırlar ki, süni beyin tam şüur qazanmaq üçün hələ çox primitivdir, lakin onun qabiliyyətləri oyunu beş dəqiqə ərzində öyrətməyə kifayət edir. Tədqiqatın müəlliflərinə görə, 20 dəqiqəlik tennis seansından sonra hüceyrə populyasiyası bacarıqlarını təkmilləşdirdi. Bu isə hüceyrənin yenidən təşkili və əhəmiyyətli öyrənmə qabiliyyətlərinə sahib olduğunu göstərir.
Süni beyin gələcəkdə müxtəlif sahələrdə istifadə oluna bilər
Mini beyin həmçinin onun qabiliyyətlərinin alkoqol və müxtəlif narkotiklərin təsirini öyrənmək üçün istifadə olunacaq. Bununla da alimlər süni beynin insan beynini nə dərəcədə əvəz edə biləcəyini anlamaq istəyirlər. Gələcəkdə Alzheimer kimi xəstəliklərin müalicəsini sınaqdan keçirmək üçün istifadəsi mümkün ola bilər. Bunu da qeyd edtməliyik ki, Cortical Labs-a paralel olaraq Stanford universitetinin tədqiqatçıları süni beynin insan beynini necə əvəz edə biləcəyini öyrənməyə çalışırlar. Stenford Universitetinin alimləri kök heceyrələrdən insan beyin toxuması istehsal edərək onu yeni doğulmuş siçovullara köçürüblər. Bununla da alimlər insan beynindəki orqanoidlərdə olan genetik qüsurların heyvanların davranışına necə təsir edəcəyini bilmək istəyirlər.
