Ötən illərdə hərkəsin marağını cəlb edən Polestar 1 və 2 elektromobilindən sonra Polestar 3 elektromobili təqdim olunub. Şirkətin yeni modeli təqdim etməsi biraz vaxt alsa da yeni elektromobil diqqətləri cəlb etməyi bacarıb. Elektromobilin premyerası iyun ayında olmuşdu.
Polestar 3 yeni eksteryeri ilə diqqət cəlb edib
İyun ayında olan premyerada çəkilən şəkillərdən elektromobilin Precept və O2 konseptlərindən götürülmüş xüsusiyyətlərə malik idman tipli və arxaya doğru yastılaşan profilə sahib olacağı bəlli olmuşdu. Elektromobilin ön tərəfində daha çox bükülmə var və bükülmüş ön tərəf yanlara doğru daralır. Onuda qeyd etməliyik ki, elektromobil yaxşı aerodinamikaya sahibdir. Belə ki, daxil olan hava ön fənərlər arasındakı yuvadan keçərək kapota doğru qalxır. Arxa tərəfdə isə, şirkət sadə və bəzəksiz “Skandinaviya dizaynı ilə ilhamlanan” elektromobilin gücünü və məqsədini çox yaxşı nümayiş etdirir. Lazımsız xəttləri və işləmələri məhdudlaşdırımış modelin arxa tərəfi nazik çıxıntı ilə 2 yerə bölünür. Spoyler quyruğu (uzantısı) isə elektromobilə idman üslubu qatır, eyni zamanda aerodinamikliyi artırır.
510 at gücünə malik elektromobil, 610 km mənzilə sahibdir
Polestar 3 modelinin uzunluğu (4900 millimetr) və eni (güzgülər daxil olmaqla 2120 millimetr) Volvo XC90 krossoverinə yaxındır, lakin hündürlüyü (1627 millimetr) olmaqla 150 millimetr alçaqdır. Təkər bazasının ölçüsü 2985 millimetr təşkil edir. Elektromobil iki tam ötürməli elektrik mühərrikilə təmin olunub. 2 variantda təklif olunur. Standart və Performance paketləri olmaqla əldə edə bilərsiniz.
Standart versiyada iki elektrik mühərrikinin ümumi hasilatı 489 at qüvvəsi və 840 Nm fırlanma anı təşkil edir. Belə krossover 100 km/saat həddinə 5,0 saniyə ərzində sürətlənir. Lakin əlavə olaraq, Performance paketi təklif olunur ki, bu halda güc qurğusunun hasilatı 517 at qüvvəsi və 910 Nm-ə qədər artırılır. 100 km/saata sürətlənmə 4,7 saniyə çəkir. Yenidən tənzimlənmiş asqı və 22 düymlük təkər diskləri əlavə olunur. Maksimal sürət həddi istənilən halda 210 km/saat ilə məhdudlaşdırılıb. Batareyası 111 kVts həcmində olub, alüminium korpusa, istilik nasosu olan qabaqcıl maye ilə soyutma sisteminə malikdir. Elektromibilin boş çəkisi isə, 2584 kiloqramdır.
Polestar 3 şirkətin Nvidia Drive nüvəsi və Volvo Cars proqram təminatı ilə gücləndirilmiş texnologiyaya malikdir. Sistem 12 ultrasəs sensoru, beş radar və beş kameradan ibarət güclü sensor dəstindən məlumatları emal etməklə xüsusilə inteqrasiya olunmuş, hərtərəfli təkmilləşdirilmiş sürücüyə yardım sistemini (ADAS) gücləndirir.
Polestar 3 elektromobilləri iki fərqli zavodda istehsal ediləcəklər. İlkin olaraq, 2023-cü ilin ortalarında Çinin Çendu şəhərindəki Geely zavodunda istehsala start veriləcəkdir. Burada hazırlanan elektromobillər ilin sonuna kimi Çin, Avropa və Şimali Amerika bazarlarına çıxacaqlar. Elektromobilin satış qiymətləri Avropada 89900 avro, ABŞ-da isə 85 300 dollardan başlayır. 2024-cü ilin ortalarında isə, Polestar 3 ABŞ-da (Cənubi Karolina) Volvo zavodunun konveyer xəttinə çıxacaqdır.
