Apple ötən günlərdə yeni iPhone seriyasını təqdim etsə də, problemlər bitmək bilmir. Belə ki, istifadəçilər texnologiya nəhənginin yeni modelləri barədə bir çox problemi aşkar etmişdilər. İndi isə bu problemlər ciddiləşib. İstifadəçilər iddia edir ki, iPhone modelləri gecələr bir neçə saat öz-özünə sönür və yenidən açılır. İstifadəçilər isə bundan sadəcə səhər xəbər tuta bilir. Maraqlısı budur ki, bu hal bir çox iPhone istifadəçisinin başına gəlsə də, hərkəsə aid edilmir. Həmçinin bu problemin həqiqətəndə baş verdiyini sübut edə bilmək üçün batareya parametrlərinə nəzər salmaq kifayətdir.
Bu vəziyyət hazırda sirli olsa da, batareya sərfiyyatı barədə məlumatlar smartfonun həqiqətən də gecələr söndüyünü göstərir. Maraqlısı budur ki, sadəcə yeni iPhone modelləri deyil, sələfləri də gecələr öz-özünə sönür. Belə ki, Batareyanın doldurulma səviyyəsinin tarixi açıq şəkildə göstərir ki, gecələr uzun müddət enerji istehlakı yoxdur. Parametrlər tətbiqində batareya istehlakı tarixini araşdıran bir çox iPhone sahibləri oxşar mənzərə ilə qarşılaşır. 9tom5mac mənbəsindən bildirilir ki, yeni iPhone 15 Pro Max modelində də oxşar vəziyyət meydana gəlir. Həmçinin bu model iOS 17.0.3 ilə işləyir.
Smartfonlar gecə fəaliyyətini dayandırsa da, gün ərzində heç bir anormal vəziyyət baş vermir. Sadəcə batareya parametrlərinə nəzər saldıqda isə istifadəçilər sürpriz ilə qarşılaşır. Hələlik bu vəziyyətlə bağlı Apple heç bir məlumat verməyib. O cümlədən problemin nədən qaynaqlandığı ilə bağlı da məlumat yoxdur. Çox güman ki, bu problem iOS 17 ilə bağlıdır. Çünki Apple hər dəfə yeni əməliyyat sistemi təqdim etdikdə, bir sıra problemlər meydana gəlir.
