Google və digər texnologiya şirkətləri hər gün minlərlə, milyonlarla haker hücümlarına məruz qalır. Lakin bu dəfə vəziyyət daha mürəkkəb idi. Çünki, bu dəfəki, hücum tarixin ən güclü DDos hücumi idi. Beləliklə Google şirkəti tarixin ən güclü DDoS hücumunu, saniyədə 400 milyon sorğunu dəf edib. Maraqlısı budur ki, bu rəqəm indiyə qədər olan ən böyük DDoS hücumundan təxminən 7 dəfə çoxdur. Hücum həmçinin saytların və xidmətlərin sındırılması üçün yeni üsulları da ortaya çıxarıb. Məhz bu səbəbdən də texnologiya nəhəngi yeni müdafiə üsulları da hazırlamağa məcbur olub.
Qeyd edək ki, Google bu dəfə DDoS hücumunu dəf edərkən НТТР/2 protokuluna əsaslanan multipleksasiyalara məruz qalıb. Həmçinin sürətli sıfırlamaya əsaslanan bu texnika normaldan daha çətin dəf edilir. Maraqlısı budur ki, bu cür çətin texnikalara əsaslanan hücum zamanı 400 milyona yaxın sorğu göndərilib. Bu rəqəm isə sentyabr ayında oxunan bütün Wikipedia məqalələrinin sayından dəfələrlə çoxdur. Avqustun sonunda başlayan hücumların son dalğası isə, Google xidmətləri, Google Cloud və Google istifadəçilərini hədfən almışdı. Hətta bu hücumlar bu gün də davam edir. Hücum zamanı HTTP/2 protokolunda “СVЕ-2023-44487” adlı 10 baldan 7,5 balla təhlükəsizlik hadisəsi baş verdi.
Ümumiyyətlə bu gün milyonlarla istifadəçinin şəxsi məlumatları Google tərəfindən qorunur. Məhz bu səbəbdən təhlükəsizlik divarları inanılmaz dərəcədə güclüdür. Biz bunun bir daha şahidi olduq. Həmçinin bu hücumlar nəticəsində Google öz təhlükəsizlik tədbirlərini daha da inkişaf etdirdi. Nəticədə yeni texnikalara qarşı yeni müdafiə üsulları hazırlandı.
