Gündəlik milyonlarla insan tərəfindən istifadə olunan Google son dövrlərdə zəif axtarış keyfiyyəti ilə istifadəçilərin, analitiklərin və tədqiqatçıların diqqətini çəkib. Belə ki, Google-dan istifadə edənlər, o cümlədən ekspertlər və analitiklər axtarış keyfiyyətinin ciddi şəkiləd azaldığını bildirsə də, Google bütün bu fikirlərlə razılaşmır. Google şirkətinin PR komandası hələ də axtarış nəhənginin öz sinfində ən yaxşısı olduğunu iddia edir. Lakin son araşdırmalar Google axtarış keyfiyyəti ilə bağlı bir çox reallığı ortaya çıxarıb.
Leipzig universiteti, Weimar-dakı Bauhaus universiteti və süni intellekt mərkəzindən bir qrup analitik tərəfindən aparılan 1 illik araşdırma çərçivəsində Google, Bing və DuckDuckGo-da məhsul rəyləri ilə bağlı 7392 axtarış sorğusu araşdırılıb. Yekunda isə məlum olub ki, ən üst sıralarda yer alan səhifələr daha çox optimizasiya olunub və ümumi olaraq aşağı keyfiyyətli mətnlərə sahibdir. Qeyd edək ki, məhsullar barədə rəylər və xəbərlərin xülasəsi bir çox veb-saytlar üçün pul qazanmaq üsuludur. Belə ki, istifadəçilər hər dəfə onların linkinə klik edərək Amazon, BestBuy və Wallmart kimi mağazalardan alışveriş edərsə onlar müəyyən komissiya əldə edir.
Ümumi aparılan araşdırma nəticəsi göstərir ki, ən yaxşı axtarış nəticələrini interneti lazımsız reklam xarakterlik məzmunlarla dolduraraq SEO-da uğur qazananlar tutur. Əslində Google və digər axtarış nəhəngləri SEO ilə bağlı hər dəfə yeni addım atsa da, bir çox vəziyyətdə bu uğurlu olmur. Qeyd edək ki, araşdırmada Googe axtarış keyfiyyəti Bing və DucDuckGo-ya rəğmən üstün olsa da, istifadəçi rəyləri heç də bunu təsdiqləmir. İstifadəçilər və analitiklərə görə Google getdikcə reklam xarakterli lazımsız məlumatlarla dolub daşır. Axtarış nəhəngi bunun qarşısını ala bilməsə axtarış keyfiyyəti daha da azalacaq və böyük istifadəçi kütləsi itirəcək.
