Huawei artıq tamamilə müstəqildir. Belə ki, çinin texnologiya nəhəngi Huawei çoxsaylı embarqolardan sonra indi Android-dən imtina edərək HarmonyOS NEXT sistemini təqdim edib. Ötən aylarda texnologiya nəhənginin məhz yeni əməliyyat sistemi üzərində çalışdığını bildirimişdik. Belə ki, bu əməliyyat sistemini xüsusi edən heç bir Android APK dəstəyinə və ya Android əsaslı proqrama sahib olmamasıdır. Huawei Android sistemindən istifadə lisenziyasını itirdikdən sonra indi öz əməliyyat sistemi yaratdı. Əslində daha əvvəl təqdim edilən HarmonyOS sistemi də bir çox android əsaslı proqramdan istifadə etmirdi. Lakin bu əməliyyat sistemində Android APK dəstəyinin olması işləri pozurdu.
Huawei brendinin yeni HarmonyOS NEXT sistemi məhz Harmony nüvəsi üzərində qurulub və onun üçün yazılmış proqramlardan istifadə edir. Bugünkü mətbuat konfransında Yu Chengdong bildirib ki, HarmonyOS nüvəsi ənənəvi nüvədən bütün ssenarilərdə və müxtəlif cihazlarda istifadə üçün üstündür. Yeni əməliyyat sistemi proqramlaşdırma dilindən tutmuş, kompilyatora qədər tamamilə özünü inkişaf etdirmiş bir sistemdir. Hətta Huawei bildirib ki, yeni əməliyyat sistemi MindSpore çərçivəsi ilə çalışan süni intelelkt(Pangu) modelinə də sahibdir.
Huawei nümayəndələrinin sözlərinə görə, hazırda HarmonyOS NEXT üçün 200-dən çox proqram hazırlanır. Habelə əməliyyat sistemi üçün oyunların yaradılması layihəsində 60-dan çox inkişaf komandası fəaliyyət göstərir və 70-dən çox oyun hazırlanır. Habelə HarmonyOS NEXT üçün ilin sonuna qədər 5 mindən çox proqram hazırlanacaq. Qeyd etmək lazımdır ki, HarmonyOS NEXT ilk növbədə Huawei-nin mövqeyinin xüsusilə güclü olduğu Çin bazarı nəzərə alınmaqla yaradılmışdır. Analitiklərə görə isə HarmonyOS ilin sonuna qədər iOS-u keçə və ölkədə Android-dən imtina edən ikinci mobil əməliyyat sistemi ola bilər. Hazırda Huawei Mate 60, Mate 60 Pro və Mate X5 üçün HarmonyOS NEXT-in qapalı beta versiyası buraxılıb.
