Süni intellekt artıq texnologiyanın bir çox sahəsində diqqət çəkir. Belə ki, daha əvvəl çatbotlar ilə həyatımıza daxil olan süni intellekt indi müxtəlif xüsusiyyətlərə sahibdir. Süni intellekt xüsusiyyətlərindən istifadə etmək üçün bəzən yüksək yaddaş həcminə sahib olmaq lazım gəlir. Texnologiya nəhəngləri artıq süni intellekt xüsusiyyətləri üçün istifadəçilərdən daha yüksək parametrlər tələb etməyə başlayır. Microsoft şirkəti AI xüsusiyyətləri üçün istifadəçilərdən minimum 16 GB Ram tələb edəcək.
Qeyd edək ki, TrendForce analitiklərinin fikrincə, Microsoft süni intellektli və ya AI kompüterlər üçün minimum RAM miqdarını 16GB müəyyən edib. Əlbəttə ki, bu istifadəçilərin 8GB Ram ilə Windows 11 sistemindəki Copilot süni intellekt sistemindən istifadə etməsinə maneə olmayacaq. Lakin yenə də süni intellekt xüsusiyyətləri üçün standart 16GB ram olacaq. Məhz bu yeni tələb də, bazarda 8GB ram-a malik noutbukların sayının azalmasına gətirib çıxaracaq. Hətta DRAM satışları da arta bilər. Əlavə olaraq qeyd edək ki, Microsoft-dan başqa bir tələb süni intellekt hesablamalarında prosessor performansıdır. Burada isə norma 40 TOPS olaraq müəyyən olunub.
Bu normanı isə Ən son Intel Meteor Lake CPU-ları, yeni AMD Ryzen APU-ları və qarşıdan gələn Snapdragon X Elite təmin edir. Ümumiyyətlə bu il DRAM satışlarında əlavə olaraq SSD satışlarında da müəyyən dəyişikliklər ola bilər. Belə ki, SSD qiymətləri gələn il gözləniləndən daha çox artacaq kimi güman edilir. TrendForce tərəfindən hazırlanan hesabatda NAND flash qiymətlərinin qısa müddətdə 50% artacağı və bunun nəticəsində SSD qiymətlərinin də yüksələcəyi proqnozlaşdırılır. NAND çipləri 2023-cü ilin ikinci yarısında artıq bahalaşıb. Ona görə də SSD istehsalçıları gəlirliliyə qayıtmağa çalışdıqca daha da qiymət artımı yaşanacaq.
