Gün keçdikcə dünyada internet trafikinin həcmi də çoxalır. Lakin bəzən internet trafikində bir çox botlara rast gəlmək mümkündür. Hətta araşdırmalar göstərir ki, bu gün dünyadakı internet trafikinin 3-də biri məhz zərərli botlara məxsusdur. Qeyd edək ki, bu araşdırma Kibertəhlükəsizlik üzrə ekspert Barracuda Networks tərəfindən aparılıb. Nəticədə məlum olub ki, internet trafikinin əksər hissəsi botların payına düşür.
Qeyd edək ki, ekspertin apardığı araşdırmaya görə bu gün dünyada yaradılan internet trafikinin yarısı botlardan gəlir və zərərli botlar bütün trafikin təxminən 30%-nə cavabdehdir. Bununla yanaşı zərərli botların sayının bu qədər çox olması, internetin hazırda nə qədər təhlükəli olduğunu bildirir. Botlar ilkin olaraq axtarış mühərrikləri tərəfindən istifadə edilsə də, indi onlar çoxlu funksiyaları yerinə yetirir, bəziləri açıq-aşkar zərərlidir. Barraccuda botların zərərli və zərərsiz olaraq 2 hissəyə bölündüyünə inanır. Təbii ki, zərərsiz botlar axtarış mühərriklərində bir çox faydalı funksiyanı yerinə yetirir və istifadəçilərin gizliliyini qoruyur. Zərərli botlar isə DDoS hücumları kimi bir çox faydasız funksiyaların yerinə yetirilməsi üçün istifadə olunur.
Hazırda zərərli botlar internet trafikinin demək olar ki, yarısını zəbt edib. Bəziləri üçün qəribə gəlsə də, bu rəqəm əslində ötən illərə rəğmən azalıb. 2021-ci ildə dünya internet trafikinin 39%-i zərərli botlara aid olsa da, indi bu rəqəm sadəcə 30%-dir. Qeyd edək ki, zərərli bot trafikin 72%-i AWS və Microsoft Azure kimi bulud xidmətlərinin üstünlüyü səbəbindən Şimali Amerikadan qaynaqlanır. Çünki, bu botlar əsasən IP üzərindən hücuma keçir. İstifadəçilərin İP məlumatlarını əldə etməyin ən rahat üsulu isə bulud xidmətlərinə hücum etməkdir. Bundan əlavə siyahıda ikinci yerdə 12 faizlə BƏƏ, üçüncü yerdə 6 faizlə Səudiyyə Ərəbistanı, dördüncü yerdə hər biri 5 faizlə Qətər və Hindistan dayanır.
