Daha əvvəl ABŞ və Çin arasındakı mübarizədən xəbər vermişdik. Lakin həmişə ABŞ Çinə qarşı müxtəlif sanksiyalar tətbiq edirdi. İndi isə Çin ABŞ-a qarşı addım ataraq batareya istehsalından önəmli rol daşıyan qrafit ixracını məhdudlaşdırır. Beləliklə ABŞ-ın çinə qarşı tətbiq etdiyi sanksiyalar cavabsız qalmadı. Xatırladaq ki, ABŞ Çin üçün istehsal edilən Nvidia çiplərinin satışını məhdudlaşdırmışdı. Bundan əlavə ABŞ Huawei-yə qarşı müxtəlif məhdudiyyətlər tətbiq edərək onu liderlikdən salmağa çalışırdı.
Maraqlısı budur ki, Çin qrafit ixracını məhdudlaşdırmaqla sadəcə ABŞ-a deyil, bir neçə ölkəyə qarşı da addım atmış oldu. Belə ki, hazırda Çindən qrafit tədarük edən ən böyük ölkələr məhz ABŞ, Yaponiya, Hindistandır. Ümumiyyətlə dünyanın ən böyük qrafit istehsalçısı və ixracatçısı olan Çin, dünya qrafitinin 90 faizindən çoxunu, demək olar ki, bütün elektrik avtomobil batareyalarının mənfi yüklü hissəsində istifadə olunan materiala çevirir. Məhz bu da Çini elektromobil istehsalı üçün ən böyük tədarükçülərdən birinə çevirir.
Çin bildirir ki, bu addım, “qlobal təchizat zəncirinin və istehsal tədarük zəncirinin təhlükəsizliyini və sabitliyini təşviq edir, habelə milli təhlükəsizlik və maraqları daha yaxşı qoruyur”. Bundan əlavə Çin məhdudiyyətlərin sadəcə ABŞ-a xas olduğunu da elan etməyib. Yəni, bütün qrafit alıcıları bu qərara əməl etməli olacaq. Yeni tədbirlər aviasiya və kosmos kimi hərbi məqsədlər üçün yerli qrafit tədarükünü, həmçinin yerli batareya istehsalını təmin edəcək. Hətta çinli elektromobil və batareya istehsalçılarının səhmləri bu xəbərdən sonra bahalaşıb.
