Çin bu yaxınlarda Zhangzhou atom elektrik stansiyasındakı 3-cü nəsil Hualong nüvə reaktorunu şəbəkəyə qoşaraq ilkə imza atıb. Reaktor tam istifadəyə verildikdə altı milyon evin enerji ehtiyacını ödəyə biləcək.
Beləliklə, Çin enerji sahəsində böyük addımlar atmağa davam edir. Çin ilk 3-cü nəsil yerli nüvə reaktoru olan Hualong One-ı Zhangzhou Atom Elektrik Stansiyasında şəbəkəyə qoşaraq ölkənin elektrik sahəsində bir pillə də irəliləməsinə imkan yaradıb. Fujian əyalətində yerləşən bu reaktor 168 saatlıq uğurlu əməliyyatdan sonra istifadəyə verilib. Bu reaktor tamamilə Çin tərəfindən işlənib hazırlanması ilə də diqqət çəkir. Hazırda dünyada fəaliyyət göstərən atom elektrik stansiyalarının böyük əksəriyyəti 2-ci nəsil reaktorlardan ibarətdir. Bununla belə, 3-cü nəsil texnologiyaları daha təhlükəsiz, daha səmərəli və ekoloji cəhətdən təmiz alternativ təklif edir. Bu sahədə Çin 33 ədəd Hualong One reaktorunun işlək vəziyyətdə olduğunu və ya tikilməkdə olduğunu elan edərək dünya liderliyi hədəfinə doğru irəliləyir.
Çinin Milli Nüvə Korporasiyası CNNC bildirib ki, “Hazırda ölkədə və xaricdə istismarda olan və tikilməkdə olan Hualong One qurğularının ümumi sayı 33-ə çatıb və bu, onu dünyada ən çox istismarda olan və tikilməkdə olan aqreqatlara malik üçüncü nəsil nüvə enerjisi texnologiyasına çevirib”. Çin 2060-cı ilə qədər karbon neytral olmaq hədəfini saxlayır. Bu məqsədə uyğun olaraq, kömür əsaslı enerji mənbələrindən asılılığı azaldacaq təmiz enerji layihələrinə böyük investisiyalar qoyulur. Mümkün olmaycaq qədər böyük həcmdə bərpa olunan enerji sərmayələri edən və nəhəng obyektləri işə salan Çin hələ də əsasən kömür əsaslı elektrik enerjisindən istifadə edir. Ölkə günəş, külək və su elektrik enerjisinə sərmayələrini artırmaqla yanaşı, nüvə enerjisini də inkişaf etdirir. Hualong One reaktorları karbon qazı emissiyalarını ildə 8,16 milyon ton və kömür istehlakını 3,12 milyon ton azaltmaqla bu məqsəddə mühüm rol oynayacaq.
