Google yeni nəsil TPU arxitekturasına malik Ironwood adlı süni intellekt prosessorunu təqdim edib. Beləliklə, Google şirkəti saniyədə 4,6 katrilyon əməliyyat emal edən ən güclü süni intellekt prosessoru ilə qarşımızdadır.
“Ironwood” adlanan bu yeni çip yeni nəsil TPU arxitekturası ilə gəlir və bəzi olduqca təsir edici aparat xüsusiyyətləri təklif edir. Xüsusilə Gemini modellərinin artan emal ehtiyaclarını ödəmək üçün hazırlanmış Ironwood, bu sahədəki inkişaflara birbaşa töhfə verəcək. Google, Tensor Processing Unit (TPU) arxitekturasının yeddinci nəslə keçdiyini açıqlayıb. “Ironwood” adlanan bu yeni çip, şirkətin süni intellekt modellərində istifadə edilən xüsusi aparat seriyasının ən müasir versiyasıdır. Google yeni nəsil Ironwood çipinin simulyasiya edilmiş əsaslandırma kimi mürəkkəb tapşırıqlar üçün hazırlandığını elan eib.
Şirkət, Ironwood-un birbaşa əlaqəli və maye ilə soyudulmuş 9,216 çipdən ibarət böyük qruplarda işləmək üçün nəzərdə tutulduğunu paylaşıb. Bildirilib ki, bu çiplər iki fərqli konfiqurasiyada təklif olunacaq: 256 çipli server və 9216 çipli tam klaster. Bundan əlavə, hər Ironwood çipinin 4614 TFLOP emal gücü var və bu çiplər böyük bir çoxluqda 42,5 Exaflops ümumi nəticə çıxarma gücünə çatır. Yəni Google şirkətinin ən güclü süni intellekt prosessoru saniyədə 4.6 katrilyon əməliyyat emal edərək bu sahədə lider olub. Həmçinin hər çipin 192 GB yaddaşa malik olduğu və yaddaşın ötürmə qabiliyyətinin 7,2 Tbps-ə qədər artırıldığı bildirilib. Google yeni TPU-nun yalnız Gemini modellərində deyil, digər bulud əsaslı AI proqramlarında da istifadə edilə biləcəyini açıqlayıb. Şirkət, Ironwood-un FP8 həssaslığında performansını ölçdüyünü, lakin bu cür qiymətləndirmənin müxtəlif sistemlərlə müqayisələr üçün məhdud istinad təmin etdiyini bildirib.
