Xiaomi firması qarşıdan gələn aylarda yay təqdimatını keçirməyə hazırlaşır. Müxtəlif flaqman smartfonların, daha dəqiq desək Xiaomi 12 seriyasının yeni nümayəndələrinin təqdim edilməsi gözlənilir. Buna Xiaomi 12S seriyası, adı dəyişdirilmiş Xiaomi 12S Ultra modeli, Xiaomi 12 Lite 5G və.s daxildir.
Bu ilin aprel ayında Xiaomi 12 Lite modelinə aid ilk görüntülər weibo platforması üzərindən sızdırılmışdı. Həmin vaxtdan 2 ay keçməsinə baxmayaraq smartfon hələ də təqdim edilməyib. Uzun müddətdir hazır olan bu cihaz digər smartfonlara görə şirkət tərəfindən gözlədilir. Belə ki, təqdimat tarixi naməlum olan Xiaomi 12 Lite modelinin görüntüləri ikinci dəfə sızdırılıb. Hətta bu dəfə cihaz qutu açılışı videosu ilə birlikdə qarşımıza çıxıb.
Xiaomi 12 Lite 5G modeli hansı texniki xüsusiyyətlərə malikdir
Görüntüləri sızdırılan Xiaomi 12 Lite 5G modeli bizə əvvəlcədən məlum olduğu üçün Xiaomi 11 Lite 5G NE ilə müqayisədə dəhşətli bir fərq olmadığını söyləyə bilərik. POCO F4 5G modelindəki kimi kəskin kənarlara sahib cihazın gövdəsi plastikdən hazırlanıb. Cihazın arxa kamera modulunun dizaynında Xiaomi 12 seriyasını xarakterizə edən elementlər işlədilib.
Kamera modulunun ən üst hissəsində 108MP təsvir ölçülü ISOCELL HM3 kamera sensoru işlədilib. 8MP ultra-geniş bucaqlı, 2MP makro sensorları ilə arxa kamera tamamlanıb. Selfi kamerası isə 32MP təsvir ölçüsünə malikdir.
Smartfona 6.55 düymlük OLED ekran paneli quraşdırılıb. FHD+ təsvir ölçülü ekran panelinin görüntü yeniləmə tezliyi 120Hz təşkil edir.
Xiaomi 11 Lite 5G NE modelindəki Snapdragon 778G çipseti olduğu kimi saxlanılıb. Yəni performans cəhətdən heç bir artım mövcud deyil. Dəyişiklik özünü sadəcə kameraların biraz təkmilləşdirməsində göstərir. İstifadə edilmiş 4500mAs (67Vt) tutuma malik batareyanı və görüntüləri nəzərə alsaq smartfonun Xiaomi 11 Lite 5G NE qədər nazik, yüngül olmayacağı dəqiqdir. Həmçinin 6.55 düym ekranına görə kompakt da sayıla bilməyəcək Xiaomi 12 Lite modeli nəticədə heç bir mühim xüsusiyyəti özündə birləşdirməyəcək. Xiaomi 11 Lite seriyasını önə çıxaran ən vacib cəhət erqonomiklik idi. Yəni ən azından Xiaomi 11 Lite modelləri qədər nazik və ya yüngül olmayan, amma kompakt olması ilə önə çıxan bir model hazırlansa daha yaxşı ola bilərdi.
