Apple brendinin yeni flaqman smartfonu olacaq iPhone 17 Pro ilə bağlı daha bir detal ortaya çıxıb. Belə ki, daha əvvəl dizaynı ilə bağlı yeni məlumatlar ortaya çıxan iPhone 17 Pro bu dəfə də kamera xüsusiyyəti ilə diqqəti cəlb etməyi bacarıb. iPhone 17 Pro və Pro Max modellərində ön və arxa kameralarla eyni vaxtda video çəkməyə imkan verən yeni funksiya ortaya çıxıb.
Beləliklə, Apple-ın yeni flaqmanları ilə kameraya diqqətəlayiq bir yenilik gələ bilər. Şayiələrə görə, iPhone 17 Pro modellərində həm ön, həm də arxa kameralarla eyni vaxtda video çəkmək mümkün olacaq. Bundan əlavə, bu funksiyanın birbaşa kamera tətbiqinə inteqrasiya olunması gözlənilir. Sızdırılan məlumata görə, iPhone 17 Pro və Pro Max modellərində ön və arxa kameralardan eyni vaxtda istifadə etmək mümkün olacaq. Beləliklə, siz ətrafınızı lentə alarkən eyni videoda öz üzünüzü də qeyd edə biləcəksiniz. Xüsusilə vloggerlər və məzmun istehsalçıları üçün çox praktik bir xüsusiyyət kimi görünür.
Daha əvvəl Snapchat kimi bəzi proqramlar vasitəsilə əldə edilən bu qeyd növünün Apple tərəfindən iPhone-un daxili kamera proqramına inteqrasiya ediləcəyi bildirilmişdi. Bu xüsusiyyətin məhz YouTube və TikTok kimi platformalarda məzmun istehsal edən istifadəçilər üçün praktiki istifadəyə veriləcəyi bildirilib. Bu yolla istifadəçilər həm ön kamera ilə üzlərini qeyd edə, həm də arxa kamera ilə ətrafa baxa biləcəklər. Xatırladaq ki, oxşar xüsusiyyət əvvəllər Samsung-un Galaxy S21 seriyasında mövcud idi. Apple, sentyabr ayında iPhone 17 seriyasını təqdim edəcəyini açıqlayıb. Bununla belə, ikili video qeyd funksiyasının niyə yalnız Pro modelləri ilə məhdudlaşdığına dair hələ heç bir açıqlama verməyib.
