Son dövrlərdə Trump-ın Çinə tətbiq etdiyi əlavə gömrük rüsumlarından sonra Microsoft yenidən dünyanın ən dəyərli şirkəti olub. Beləliklə, Trump, Apple-ı taxtdan salaraq dünyanın ən dəyərli şirkəti ünvanını itirməsinə səbəb olub.
Trumpın ən çox iPhone istehsal olunduğu Çinlə ticarət müharibəsi Apple səhmlərinin dörd günlük kəskin azalmasına səbəb olub. Bu təlatümlü dövrdən sonra Apple “dünyanın ən dəyərli şirkəti” ünvanını Microsoft-a itirib. İnvestorların panikaya düşməsi və istehsal zəncirinin Çindən asılı olmasına inanması səhmlərin sürətlə satılmasına səbəb olub. Bu isə özlüyündə Apple səhmlərini 23% ucuzlaşmasına gətirib çıxarıb. Bu dramatik azalma şirkətin ümumi dəyərindən 700 milyard dollar silib.
Apple xüsusilə Trampın yeni tariflərinə qarşı həssasdır, çünki o, flaqman iPhone modellərinin istehsalında Çinə çox güvənir. Hətta, Apple son illərdə istehsalını Hindistan və Vyetnam kimi ölkələrə köçürməyə çalışsa da, ekspertlər Çinin istehsal gücünün və təchizat zəncirinin infrastrukturunun qısa müddətdə əvəzlənməsinin demək olar ki, mümkün olmadığını söyləyirlər. Qeyd edək ki, “Ən dəyərli şirkət” adı son illərdə bir neçə dəfə Apple və Microsoft arasında dəyişib. 2024-cü ilin əvvəlində zirvədə olan Microsoft, yerini Apple-a təhvil vermişdi. Trampın bu yaxınlarda Çinə tətbiq etdiyi tarifi 125%-ə çatdırdıqdan sonra ABŞ fond bazarında nisbi artım müşahidə edilsə də, Apple-ın dəyərdən düşməsinin bir müddət daha davam edəcəyi görünür.
